نجل الفنان سليمان عيد يرثي الراحل بكلمات مؤثرة: قلبي موجوع أوي.. ومطمن إنك عند اللي أحن مننا
عبّر الفنان عبدو سليمان نجل الفنان الراحل سليمان عيد، عن حزنه العميق لرحيل والده، وافتقاده الشديد له، مطالبًا من جمهوره بالدعاء له بالرحمة والمغفرة.
ونشر نجل سليمان عيد منشورًا عبر حسابه الشخصي بموقع فيس بوك، جاء فيه: أبويا يا أحلى ضحكة في حياتي، امبارح وانهاردة كل الناس جتلي ودعيتلك، الحمد الله والشكر لله على نعمة حب الناس ليك.
وأضاف: متخفش يا حبيبي، أنا كنت واقف راجل وهفضل راجل زي ما علمتني وكبرتني.
وأكمل: قلبي موجوع أوي يا أبويا، بس والله العظيمم مطمن إنك في أحلى وأعظم مكان، عند اللي أحن مننا كلنا عليك، وده اللي مصبر وجعي، بحبك يا حبيبي وسندي وضهري وحشتني.
صلاح عبد الله ينعى سليمان عيد
وفي وقت سابق، نعى الفنان صلاح عبد الله، صديقه الراحل سليمان عيد، معربًا عن حزنه الشديد لفقدانه بعدما رحل عن عالمنا بشكل مفاجئ بسبب تعرضه لأزمة قلبية.
وقال صلاح عبد الله خلال تصريحات تليفزيونية: إنا لله وإنا إليه راجعون، نحمده على كل حال وبندعيله ربنا يكرمه ويرزقه بالنعيم الخالد ويصبر أسرته، صدمة المفاجأة كانت فظيعة أوي، أنا مش عارف أقول إيه، ده عشرة تجاوزت 25 سنة، من أيام ما كنت في الجامعة وهو كان لسه في خطواته الأولى.
