أحمد فتوح: الزمالك هياخد كل البطولات الموسم الجاي.. وفيه لاعب كان بيشمت فيا بسبب أزمتي الأخيرة
كشف أحمد فتوح لاعب الفريق الأول لكرة القدم في نادي الزمالك، عن كواليس تراجع نتائج الأبيض، والظروف التي مر بها اللاعب مؤخرًا.
تصريحات أحمد فتوح
وقال أحمد فتوح في تصريحات تليفزيونية، الزمالك مش أحسن حاجة الموسم الحالي، ومانشستر سيتي مثلا واقع، وان شاء الله الزمالك هيرجع السنة الجاية ياخد كل البطولات.
وأكمل: موضوع التجديد كان مأثر عليا، وكنت محتاج فلوس عشان اسدد التزاماتي، وانا بصرف كتير وبخسر كتير في العربيات، وبحب العربيات جدا ولازم اركب عربية موديل السنة.
وعن كواليس أزمته الأخيرة بعد التعرض لحادث مروري، قال فتوح: أخو المتوفي أكتر واحد تعبني وقت المحاكمة بسبب طلب أرقام كبيرة، وحصل على 12 مليون جنيه، وأنا اللي دفعت الفلوس كلها ومحدش ساعدني عشان الغلطة بتاعتي أنا.
واختتم تصريحاته قائلا: شيكابالا وزيزو والزناري أكتر ناس وقفوا جنبي، وفي لاعيبة للأسف كانت المفروض تقف جنبي لكن ماوقفوش، وفي لاعب كان بيشمت فيا، وعلاقتي بـ اللاعب ده مقفولة وانتهت تمامًا، وعلاقتنا في التدريب فقط لكن مبقاش صاحبي خلاص.
