ريهام عبد الغفور: ظلم المصطبة أول عمل حقيقي بعد وفاة والدي.. وكان هيبقى فخور بيا لو كان موجود
قالت الفنانة ريهام عبد الغفور إن مشاركتها في مسلسل ظلم المصطبة كانت نقطة تحول في مسيرتها الفنية، وذلك بعد وفاة والدها الفنان القدير أشرف عبد الغفور، مؤكدة أنه أول عمل حقيقي تقدمه منذ رحيله.
وقالت ريهام خلال تصريحات تليفزيونية: قدمت مسلسل اسمه كتالوج بعد وفاة والدي، لكني كنت ضيفة شرف، لذلك بعتبر ظلم المصطبة أول عمل حقيقي ارجع بيه بعد وفاته.
وأشارت إلى أن عودتها للعمل بعد فترة غياب طويلة – عام ونصف – لم تكن سهلة، مضيفة: كنت خايفة جدا وحاسة إني مش هعرف أقول الكلام، أو أعيش الشخصية، لكن فيه ناس كتير وقفوا جنبي وساعدوني أعدي المحنة.
وأضافت الفنانة ريهام عبد الغفور: أنا متأكدة إنه لو كان والدي موجود كان هيبقى مبسوط جدا بالدور، وفخور بيه، والمسلسل ده من النوع اللي كان هيعجبه لأنه بيحب النوع ده من الدراما.
تصريحات ريهام عبد الغفور
وعن شخصية هند التي جسدتها في المسلسل، أشارت ريهام إلى أنها شعرت بالحماس تجاهها منذ اللحظة الأولى، مضيفة: قعدت سنة ونص في البيت، واتعرضت عليا أعمال ورفضتها، لكن أول ما قريت ظلم المصطبة اتحمست جدا، وحبيت الموضوع كله، وحبيت شخصية هند بكل صنوف الظلم اللي بتتعرض له.
وأردفت: عالم الكاتب أحمد فوزي صالح دايما بيأسرني، وبحب طريقته في الكتابة، وكمان المخرج هاني خليفة ساعدني أقدم الدور بشكل حقيقي.
كما أشادت بالشراكة الفنية التي جمعتها بالفنان إياد نصار، قائلة: في بيني وبينه كيميا حلوة من أيام وش وظهر، ولما عرفت إننا هنشتغل سوا في ظلم المصطبة حسيت إن المشروع ده هو فعلا المشروع اللي أقدر أرجع بيه من غير تردد.
