والد صغير الإسماعيلية يروي تفاصيل مقتل نجله على يد جارته: حرمتني من ضنايا علشان رفضت أتجوزها
شهدت عزبة الصفيح التابعة لمركز ومدينة فايد بمحافظة الإسماعيلية جريمة مأساوية هزت الرأي العام، بعدما أقدمت سيدة على ذبح طفل يبلغ من العمر 4 سنوات في الشارع، أمام شقيقته، في واقعة صادمة.
والد صغير الإسماعيلية يروي تفاصيل مقتل نجله على يد جارته: “حرمتني من ضنايا علشان رفضت أتجوزها”
وكشف محمد، والد الطفل الضحية، في تصريحات مؤلمة للقاهرة 24 كواليس الجريمة التي أودت بحياة نجله، مؤكدًا أن المتهمة جارته منذ 13 عامًا، ولكن لم يكن بينهما أي تعامل يذكر.
وقال: في يوم الواقعة رجعت من الشغل، لقيت جارتي بتخبط عليا، وقالتلي إن ابنها تعبان وعايزاني أروح أجيبله دوا لأنها أرملة. ركبت التوكتوك وجهزت نفسي علشان أساعدها، لكن اكتشفت إنها عايزاني في أمر غير أخلاقي، ورفضت ونزلتها فورًا.
وأضاف: كررت الموضوع أكتر من مرة، وبلغت ابنها وأهلها، وضربوها. بعدها قابلتني في الشارع وقالتلي: (والله لأندمك). ماكنتش أتخيل إنها ممكن تنتقم مني بالطريقة دي.
وتابع الأب: ابني كان ماشي مع أخته، شدت الولد من إيده وذبحته في نص الشارع، ولولا بنتي جريت، كانت قتلتها هي كمان. ابني مات علشان رفضت أتجوزها. أنا عايز حق ابني.
وتباشر جهات التحقيق في الإسماعيلية تحقيقاتها لكشف ملابسات الجريمة، فيما تم ضبط السيدة المتهمة.
