عضو مجلس الزمالك بعد الخسارة من الأهلي بنصف نهائي السوبر الإفريقي لكرة اليد: حقكم عليا ماتزعلوش
حرص رامي نصوحي عضو مجلس إدارة نادي الزمالك تحت السن على الحديث عن الخسارة الأخيرة لفريق اليد في نصف نهائي كأس السوبر الإفريقي أمام الأهلي بنتيجة 31/27.
وجاء رد عضو مجلس الزمالك في ظل حالة الحزن من جانب الجماهير والانتقادات التي وجهتها للمجلس خلال الساعات التي تلت هزيمة الفريق في البطولة وضياع فرصة التأهل إلى كأس العالم للأندية بشكل مباشر من خلال الفوز بالسوبر الإفريقي.
عضو مجلس الزمالك بعد الخسارة من الأهلي بنصف نهائي السوبر الإفريقي لكرة اليد: حقكم عليا ماتزعلوش
وكتب رامي نصوحي عبر صفحته على موقع التواصل الاجتماعي فيسبوك: أنا عارف إن الناس زعلانة، وعندها كل الحق، مفيش حد بيحب يشوف فريقه بيخسر لكن إحنا استلمنا ألعاب الصالات زيها زي باقي حاجات كتير في النادي، محتاجة شغل وبناء وصبر.
وأضاف عضو مجلس الزمالك: وإحنا كنا عارفين ده كويس قبل الانتخابات، وعارفين إننا هنواجه كل اللي إحنا شايفينه دلوقتي، ومستحملين، وبنلتمس العذر للناس.
واختتم حديثه قائلا: يمكن ما نلحقش نحصد ثمار اللي بنعمله، لكن الأهم إننا نحط الزمالك على الطريق الصحيح، علشان اللي ييجي بعدنا ما يشوفش اللي إحنا شفناه، ولا يعيش اللي إحنا عشناه، بشكر كل الناس اللي حضرت الماتش النهاردة، وحقكم عليا، ما تزعلوش.
