أسرة سما ضحية خط غاز أكتوبر تكشف موعد صلاة الجنازة
كشفت أسرة سما طالبة طب أسنان جامعة القاهرة، ضحية حادث انفجار خط غاز بمدينة أكتوبر موعد صلاة الجنازة عليها غدًا الأربعاء، عقب صلاة الظهر من مسجد الحصري.
أسرة سما ضحية خط غاز أكتوبر تكشف موعد صلاة الجنازة
وفي وقت سابق، قال أحمد سينجر، عم الطالبة سما لـ القاهرة 24: سما طالبة في آخر عام في طب أسنان القاهرة، كانت راجعة من استعدادات مشروع التخرج وامتحانات كمان كام شهر، هي متفوقة جدًا في دراستها.
وأضاف: يوم الحادث سما كانت راكبة مواصلات، وفجأة حصل الانفجار.. نزلت تجري في الشارع وهي محروقة، لحد لما وصلنا لها ونقلناها للمستشفى، حالتها كانت منهارة، والحروق شديدة في وشها ورقبتها وجسمها، وكان لازم تدخل العمليات علشان الحريق أثر على الأعصاب.
وأوضح أن الصدمة النفسية التي مرت بها سما كانت قاسية، قائلًا: بنت صغيرة في بداية حياتها اتشوهت، ومش مستوعبة اللي حصل، حالتها النفسية سيئة جدًا وهي دلوقتي في العناية المركزة، البنت كانت في حالة انهيار مش مستوعبة اللي حصل، هي في العناية المركزة دلوقتي وحالتها النفسية سيئة جدًا.
