وفاة المصور محمد عبد الله بعد معاناة مع السرطان
رحل عن عالمنا منذ قليل، المصور محمد عبد الله، بعد معاناة مع المرض، حيث أصيب في الأيام الأخيرة بالسرطان.
وفاة المصور محمد عبد الله بعد معاناة مع السرطان
وسبق وكتب محمد عبر صفحته الرسمية بـ فيسوك: اللي يعرفني هيعرف قد ايه بوست زي ده تقيل جدا علي قلبي اني ارفعه خصوصا أن هيشوفه اهلي وصحابي وكل الناس الي تعرفني، بس انا بقالي سنتين بتعالج من الكانسر ووصلت كذا مرة للشفاء بس يحصل إنتكاسة والحمدالله راضي بس آخر برة المرض تحور وبقي اوكيميا او سرطان في الدم ليمفاوي حاد T-All خلايا تائية وده للاسف شرس جدا ونادر ولتكلفة بقت أزيد عليا بسبب انه بيحتاج رعاية في المستشفى لفترات طويلة لأن جسمي يينتج دم فاسد بس كانت بتدبر وبلاقي حاجات ابيعها.
وتابع: عملت عملية زراعة نخاع ب450 ألف غيرر إننا صرفنا تجهيزات وجلسات قبلها ب 150 ألف يعني وقفت ب 600 لوحدها وفشلت وخدت بعدها 3 جلسات كيماوي من جلسة كانت الحقنة الوحدة ب 80 ألف خدت 5 حقن الواحدة ب25 الف + حساب المستشفى العلاج وصل 300 الف ومحصلش إسجابة للأسف الحمدلله.
وأردف: المفروض أخر حل قدامنا دواء من الهند وربنا قدرنا وعرفنا نلاقي حد نستورده منه وندبر سعره بفضل الله يغرها لوحده 350 الف بس لما جينا نبدأ العلاج ظهر فطريات في الرئة ووقفنا الجلسة ولازم نعالجها لاني حتي مش قادر اتنفس طبيعي والأدوية في اليوم الواحد من الصيدلية بس سعرها 25 الف غير اني كل يوم بنقل الصفايح والدم لان المرض بيكسرهم واليوم بقي بيعدي الـ60 الف جنيه ومبقاش في حاجه تانية نبيعها وأنا كنت ببيع كل حاجه علشان موصلش اني ارفع البوست ده بس خلاص مفيش حاجه تتباع تاني وكام يوم ومش هعرف أكمل علاج.
ومن جانبه كتب شقيق محمد عبر الصفحة الرسمية لـ الراحل قائلاً: السلام عليكم ورحمة الله وبركاته، أنا أخو محمد ودي رسالة محمد ليكم، بشكركم جدًا علي تفاعلكم الطيب ودعائكم ليا، بفضل الله قدرنا نجمع المبلغ كامل وتم مسح جميع حسابات التحويل وياريت اي حد نشر البوست في أي مكان يعدله لو سمحتم، في حالات تانيه أكيد بتعاني نفس المعاناه بتاعتي أولي بدعمكم، ومن فضلكم متصدقوش أي بوست ينزل من أي صفحة أو من أي حد غير من عندي هنا.
وأردف: أنا لسه محجوز بالعناية المركزة بالمركز الطبي العالمي لو اي حد حابب يشرفني بزيارته، كل اللي محتاجه منكم دلوقتي دعواتكم ان ربنا يخرجني من المحنة دي علي خير وربنا يقدركم جميعا علي فعل الخير.
