43 تسجيلا صوتيا مع الضحية الثانية يكشف استدراجها لمنزله.. ننشر تحقيقات قضية سفاح المعمورة | انفراد
في مطلع العام الحالي، كشف الستار عن قضية هزت الرأي العام، وهي قضية سفاح المعمورة، القاتل المتسلسل الذي أنهى حياة 3 أشخاص، وهم زوجته وموكله لديه وثالث ربطته به علاقة عمل تحولت لصداقة قبل أن يكون ضحيته في سبيل الحصول على الأموال، مستخدما أكثر من 20 شقة سكنية، للتخفي والعثور على الضحايا، وإخفاء جثث القتلى، حتى جاءت سهرة حمراء كشف جرائمه ومكان إخفاء جثتين له، ليبدأ مسلسل التحقيق معه الذي استمر قرابة الـ 5 أشهر، حتى أحيل إلى المحاكمة الجنائية.
تحقيقات قضية سفاح المعمورة
ينفرد القاهرة 24 بنشر التحقيقات في قضية سفاح المعمورة، والتي كشفت النقاب عن خططه لاستدراج الضحايا، وكيفية التخلص منهم، وأماكن إخفاء جثثهم، والأموال المتحصل عليها ونشأة المحامي القاتل، وما أدى به إلى التحول من رجل قانون يدافع عن الأبرياء، إلى قاتل متسلسل يسفك دماء موكليه، علاوة على ما آلت إليه التحريات ومعاينة النيابة وأقوال الشهود وأسر الضحايا، تنشر في سلسلة متصلة، وإلى الجزء الأول من التحقيقات.
43 تسجيلا صوتيا مع الضحية الثانية يكشف استدراجها لمنزله
وكشفت التحقيقات عن تواصل سفاح المعمورة مع الضحية التي تدعى تركية عبد العزيز، وتم العثور على 43 مقطعا صوتيا بين المتهم والضحية والمسجلة على هاتفه باسم موكله تركية.
وجاء في أوراق قضية سفاح المعمورة، أن المكالمات التي عثر عليها مسجلة بين رجل وسيدة تحمل عناوين تسجيل المكالمة موكله تركية وتم نسخهم على الأسطوانة المرفقة ومنها على سبيل المثال وليس الحصر الآتي:
المقطع الأول بين السفاح والضحية تركية يكشف حوار بين الضحية والسفاح والحديث عن أحد القضايا فيما بينهما.
مقطع صوتي بعنوان تسجيل المكالمة موكلة تركيه_مدته: دقائق و13 ثانية وجاء به على سبيل المثال وليس الحصر كالآتي:
السفاح: أنت مبتردش عليا إلا بليل.. لكن الصبح عشان الضحية تركيه عيزاك تعملي حاجة مبتردش عليا - ايه يا تركية أنا بتحايل عليكي إمبارح
الضحية تركية: يا عم بتتحايل عليا ايه انت ضيعت القضية في الكلام ده
السفاح: برضه أنا اللي ضيعت القضية
الضحية تركية: ايوه
السفاح: يا تركية بلاش تنرفزيني بالله عليكي
الضحية تركية: مش بنرفزك هيا دي الحقيقة
السفاح: طب لما انتي واخده حكم.. ضيعتك ازاي أنت هتستهبلي ولا إيه
الضحية تركية: هو أنت اللي جبتلي الحكم ده
السفاح: أنا مالي بقا انتي اللي مش عاوزه تظبطي أمورك
الضحية تركية: هو انت اللي جيت معايا جبتلي الحكم ده أنا مخدتش واحد في المية من الحكم
السفاح: تركية انا بعزك واحترمك متطوليش عليا في الكلام أنت فين عشان عايز أخد الشال - انا في 25
الضحية تركية: والله أنت فين أنا جمب الشقة
السفاح: طب انا جايلك علطول
الضحية تركية: جايلي فين
السفاح: هجيلك عند الشقة عندي
الضحية تركية: عندي انا
السفاح: لا عندي هنا في المعمورة وأنا أقعد ادفع في موصلات بقا وخلاص - تعالي بس ناكل لقمة ونبيت وربنا يسهل بكرة).
المقطع الثاني يكشف عملية استدراج الضحية في منزله.
المقطع الثاني جاء مدته 6 دقائق وجاء به على سبيل المثال وليس الحصر كالآتي:
هو في كده برضه
السفاح: انتي فين؟
الضحية تركية: أنا واقفة من بدري انا هركب وامشي
السفاح: طب ادخلي الشارع اللي فيه الصيدلية ده
الضحية تركية: ماشي وبعدين
السفاح: في علي أيدك اليمين عندك فرن عيش هاتي منه رغفين وانتي جاية عشان تتعشي
وأغمس فيه ايه
السفاح: في هنا سمك
الضحية تركية: يا خبر اسود هاكل سمك في نص الليل
السفاح: طب شوفي عايزة تاكلي إيه أنا معنديش إلا سمك دلوقتي سمك معمول في بطاطس والكلام ده
الضحية تركية: احيه عليك أنت عكاك إزاي.. فيه بيض
السفاح: فيه بيض بط
الضحية تركية: لا مش باكله برضه
السفاح: طب تاكلي عسل نحل معنديش غير عسل وبلح
الضحية تركية: أنت عايز حد يعملك قلة أدب أنت صحصح كده وقوم.. وهجيب بيض
المقطع الثالث يكشف خط سير الضحية إلى منزل السفاح
وجاء به على سبيل المثال وليس الحصر كالآتي:
الضحية تركية: عايز عيش اد ايه
السفاح: هاتي ليكي أنتي أنا كلت
الضحية تركية: طيب.
السفاح: خلي الفرن في ظهرك وتعالي الشارع اللي في وش الفرن
الضحية تركية: وش الفرن شمال طب يلا عشان الناس بتتفرج عليا وبعدين
السفاح: متطلعي هتلاقي في بيت في وشك ادخلي الشارع الضيق ده يمين في شمال علطول البوابة على ايديك اليمين
الضحية تركية: دخلت يمين في شارع كبير بعدها يمين في شمال - ايوه افتحي الباب وادخلي).
