عامل مشترك بين عادل إمام وعبد الحليم حافظ.. محمود سعد يكشف السر
كشف الإعلامي محمود سعد، سر العامل المشترك الذي يجمع الزعيم عادل إمام، والفنان الراحل عبد الحليم حافظ، وذلك خلال حديثه عن مدى ثقافة ووعي الزعيم بمناسبة عيد ميلاده.
عامل مشترك بين عادل إمام وعبد الحليم حافظ
وروى محمود سعد، عددًا من المواقف التي جمعته بالزعيم، حيث قال في مقطع فيديو عبر حسابه بموقع فيس بوك: اتعلمت من عادل إمام حاجات كتير، وشفت إزاي عادل إمام بيعمل فيلم، ورحت له قبل كده في بيته اللي في شارع النخيل اللي كان فيه بيت وحيد حامد، ومش كل الزيارات كانت بتبقى شغل، ولما بتقترب من الفنان فيه خطورة لأنهم بيقولوا لما تعرف نجم أو فنان أو لاعيب كورة بلاش تقابله، لأنه في حياته الطبيعية ممكن يعمل حاجات متتقبلهاش أنت.
وأضاف محمود سعد: محصلش بيني وبين عادل إمام على مدار 35 سنة تفصيلة بايخة، وكنت بكتب عن أفلامه وعمره ما زعل لأنه عارف إني بكتب رأيي مش لصالح حد، وهو عنده ذكاء فطري، وعارف إمتى يطلع في التليفزيون بدم خفيف، وإمتى يوقف مسرحية بتتعرض بقالها 12 سنة.
محمود سعد: في أوضة عادل إمام كان فيه سر
أما عن العامل المشترك الذي جمع الزعيم عادل إمام والراحل عبد الحليم حافظ، فأوضح محمود سعد: في أوضة نوم عادل إمام كان فيه سر، إني لقيت موضع اتكاء رأسه على السرير كما رأيتها عند عبد الحليم حافظ، اللي هي علامة اللي كان بيسند راسه كتير، وجنب سرير عادل إمام كتب كتير، وطلب مني يشوف أحمد زويل وقعد معاه كتير يسأله، وهو كان مثقف وعنده وعي علشان كده استمر 50 سنة على القمة.
