يا تركية بلاش تنرفزيني.. ننشر نص تسجيلات سفاح المعمورة مع موكلته الضحية
مفاجآت بالجملة كشفتها نص تسجيلات مكالمات المحامي نصر الدين، المتهم بقتل 3 ضحايا بينهم زوجته وموكلته، وهي القضية المعروفة إعلاميا بـ سفاح المعمورة، والتي فرغتها جهات التحقيق من هواتفهم.
نص تسجيل مكالمة سفاح المعمورة مع أحد ضحاياه
وجاء ضمن أحد التسجيلات حوار بينهما يدل على حالة نزاع كان مضمونه:
المتهم: أنا اللي ضيعت القضايا يا تركية
الضحية: ايوه
المتهم: يا تركية بلاش تنرفزيني بالله عليكي
الضحية: مش بنرفزك هيا دي الحقيقة
المتهم: طب لما أنتي واخده حكم ضيعتك ازاي انت هتستهبلي ولا ايه
الضحية: هو أنت اللي جبتني الحكم ده
المتهم: أنا مالي بقا انتي اللي مش عاوزه تظبطي أمورك
الضحية: هو انت اللي جيت معايا جبتلي الحكم ده انا مختش واحد في الميه من الحكم
المتهم: تركية انا بعزك واحترمك متطوليش عليا في الكلام انت فين عشان عايزه اخود الشال
الضحية: أنا في 25
المتهم: والله أنت فين أنا جمب الشقة
الضحية: طب أنا جايلك علطول
المتهم: جايني فين
الضحية:هجيلك عند الشقة عندي
المتهم: عندي أنا في المعمورة
الضحية: عندي أنا
المتهم: واقعد ادفع في مواصلات بقا وخلاص، تعالي بس ناكل لقمه ونبيت وربنا يسهل بكره.
كشف لغز جريمة مروعة بمنطقة المعمورة
وشهدت الإسكندرية في بداية شهر فبراير الماضي، اكتشاف لغز جرائم مروعة، حيث أبلغ سكان منطقة المعمورة عن ارتيابهم من وجود أصوات عالية تندلع من شقة يستأجرها محامي في الطابق الأرضي بمنزلهم، لتحضر الأجهزة الأمنية لموقع البلاغ ويكتشفوا أمر دفن سيدتين في الشقة المذكورة.
وبعدها بأيام وبعد كشف معلومات الجريمة تتقدم أسرة بلاغ ضد المحامي عن تسببه في تغيب والدهم المهندس محمد، والذي تبين أيضا أنه من ضحايا السفاح.
