ملك زاهر تكشف مواصفات فتى أحلامها: نفسي أحس بالأمان ويعاملني زي والدي
أعربت الفنانة الشابة ملك زاهر عن أمنيتها بالارتباط بالشخص المناسب، مؤكدة أنها تتمنى الزواج قريبًا، بعدما شعرت بالملل من الانتظار.
وقالت ملك زاهر في لقائها مع القاهرة 24: يا رب إن شاء الله أبقى عروسة، لأني بجد زهقت، مش هقول للناس سيبوني في حالي، لكن يا رب كل واحدة نفسها ترتبط وتحب، وتلاقي الشخص اللي يستاهلها، نفسي ييجي الشخص المناسب اللي أحس بالأمان معاه، ينفع يبقى أبو أولادي، ويعاملني زي بابا.
ملك أحمد زاهر: مش مصدقة إن الوقت جري ده إحنا كنا لسه بنتخانق على اللبس ونستخبى من ماما
وفي وقت سابق، شاركت ملك زاهر جمهورها فرحتها بحفل زفاف شقيقتها ليلى زاهر على المنتج هشام جمال برسالة مؤثرة.
وكتبت: من أول ضحكة وإحنا أطفال لحد لحظة كتب كتابك.. كل لحظة في الفيديو ده هو عمر كامل بينا، هو حب، وأمان، وضحك، ومشاركة، علاقتي أنا وإنتي مش شبه أي حد، ومحدش فيهم عاش اللي أنا وانتي عشناه.. مش مصدقة إن الوقت جري كده.. كنّا لسه صغيرين، وبنتخانق على اللبس، وبنستخبى من ماما، وفجأة لقيتك لابسة فستانك الأبيض، أحلى عروسة شافتها عيني.
وأضافت: أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة، بس طول عمري حاسة إنك بنتي مش أختي، قائلة: امبارح بنتي اللي كانت بتتجوز مش أختي، وأنا الفرحة مش سيعاني، بس في نفس الوقت وحشتيني قوي من دلوقتي.
أعمال مالك زاهر
وتعد ملك زاهر واحدة من الوجوه الشابة البارزة في الساحة الفنية، حيث بدأت خطواتها بثبات في عالم التمثيل، وسط دعم كبير من والدها الفنان أحمد زاهر، وشقيقتها الفنانة ليلى زاهر.
