حجز مشجع نادي مالية كفر الزيات للتحريات
قررت جهات التحقيق بدائرة مركز كفر الزيات بمحافظة الغربية حجز مشجع نادي مالية كفر الزيات لحين صدور التحريات بعد انتشار فيديو له على وسائل التواصل الاجتماعي، يظهر فيه مرتديًا ملابسه الداخلية، ويؤدي حركات استعراضية داخل المدرجات، بعد أن سجل فريقة 5 أهداف في مرمى فريق تلا.
وكانت الأجهزة الأمنية بمديرية أمن الغربية ألقت القبض على حمادة عزو المعروف إعلاميا بـ مشجع مالية كفر الزيات وجرى اقتياده إلى ديوان المركز وعرضه على جهات التحقيق بتهمة ارتكاب الفعل الفاضح خلال تشجعيه في المدرجات.
وكان أحد جماهير فريق مالية كفر الزيات، أثار حالة كبيرة من الجدل في الآونة الأخيرة، عقب تداول مقطع فيديو له خلال ارتكابه تصرفات غير لائقة، خلال حضوره مباراة فريقه أمام تلا.
مشجع مالية كفر الزيات: مقصدتش الإساءة وكنت فرحان بفوز فريقي
وقال مشجع مالية كفر الزيات: أنا حياتي اتدمرت عشان كنت بشجع وفرحان بفرقتي اللي كسبانة، بنتي اتبرت مني والدنيا كلها اتقلبت عليا، وكل ده عشان كنت بشجع فرقتي وقلعت هدومي.
وأضاف المشجع أنه يحرص على حضور مباريات فريق مالية كفر الزيات بشكل دائم، إذ يكون متحمسًا بشكل كبير ويشجع فريقه بكل محبة وإخلاص ودعم.
واستكمل: أنا على طول بحضر مباريات مالية كفر الزيات لأن ده فريقي وبحبه، ومكنتش مصدق نفسي لما سجلنا أول هدف وبعدين التاني قدام تلا، ولما سجلنا باقي الأهداف لحد الهدف الخامس فكنت فرحان وخصوصًا إننا كنا بنلعب قدام فريق قوي.
وأوضح مشجع مالية كفر الزيات أنه لم يُسيء لأي شخص أو يقصد الإساءة بأي شكل من الأشكال خلال تشجيعه فريقه من المدرجات، قائلًا: أنا كل غلطتي بس إني قلعت الجلابية بتاعتي وفي لحظة مكنتش واعي فيها من كتر فرحتي بالفوز.
