شريف مدكور: عادل إمام مش كوميديان.. وما بيضحكنيش زي الناس
تحدث الإعلامي شريف مدكور عن رأية في أعمال الزعيم عادل إمام، إذا أشار إلى أن جميع أعمال الزعيم تهدف لـ معرفة التصرف في الأشياء وليس كما يصنفه البعض بأنه فنان كوميديان مؤكدًا أن أعماله لا تسعده.
وقال شريف مدكور خلال برنامج 4 شارع شريف: لما بتفرج على الفنان الكبير عادل إمام مش بيضحكني زي الناس، هو بالنسبة لي مش كوميديان هو شخص بيفوقني بكلامه في الأعمال بمواقف تلفت نظري لأشياء، وأنا أصغر من أني أقيمه ولكن هو حاجة تانية ومدرسة لوحده في التمثيل.
وسبق ورد شريف مدكور برسالة شديدة اللهجة على سيدة روجت لـ شائعة وفاته، موضحًا أنه سيقاضيها بسبب ترويجها للشائعة مستنكرًا فعلها بشكل كبير.
وقال شريف مدكور، في فيديو عبر حسابه بموقع فيس بوك: فيه سيدة عاملة فيديو بتقول فيه أني توفاني الله بعد وعكة صحية، أنا عرفت ده لما كلمت أمي ولقيتها مذعورة ومخضوضة عليا، تخيلوا أم شايفة خبر وفاة ابنها، أنا عايز أعرف أنتي ملكِ إيه؟ للأسف أنا شخصية مؤدبة مش هعرف أشتمك ولا أهينك.. هتتسجني وبنتك هتتشرد وهتبوسي إيدي ورجلي وتتذللي علشان أتنازل، أنتي عندك بنت هتربيها إزاي؟ اللي عملتيه ده ممكن يرميكي في السجن".
