داليا البحيري ترد على منتقديها بسبب عدم ارتداء الحجاب: ممكن أكون عند ربنا أحسن من ناس كتير
ردت الفنانة داليا البحيري على منتقديها بشأن عدم ارتدائها الحجاب، معربة عن استيائها من حكم بعض الجمهور عليها بشأن علاقتها مع الله.
وقالت داليا البحيري عبر حسابها الشخصي على انستجرام: الناس اللي بتدخل تقول ليا البسي الحجاب، انتوا مالكم؟ دع الخلق للخالق، ممكن اللي مش لابسة حجاب دي عند ربنا أحسن من ناس كتير، ممكن تكون بتعمل حاجات في السر أنت متعرفهاش تخليها عند ربنا أقرب منك بكتير، ممكن حد شكلًا تقول ده قريب من ربنا ويطلع مش كده، وممكن العكس.
داليا البحيري
في سياق آخر، علقت داليا البحيري على الانتقادات التي تتلقاها من الجمهور بشكل عام، قائلة: أنا بحب أنشر صور بها طاقة إيجابية، عشان أخلي الناس تشوف حاجات كويسة، والناس اللي بتعلق تعليقات فيها قلة أدب مش بفهمهم، بضيعوا وقتكهم ليه؟ يعملولي عدم متابعة أفضل.
وأضافت: شوف حاجة مفيدة في يومك أكتر، مثلًا أبسط حاجة، أدخل نام النوم حاجة عزيزة جدًا دلوقتي، لو أنتي ست ربي عيالك في الخمس دقائق دول اللي كتبتيلي فيها حاجة وحشة، أو بصي في السقف أفيد، ونوع من أنواع العلاج النفسي، اسمعي مزيكا.
أعمال داليا البحيري
جدير بالذكر أن داليا البحيري في شاركت فيلم أولاد حريم كريم، حيث يعتبر آخر أعمالها على الساحة الفنية، ودارت أحداثه في نطاق كوميدي، وضم العمل في بطولته مجموعة من النجوم، منهم: مصطفى قمر، داليا البحيري، بسمة، علا غانم، خالد سرحان، عمرو عبد الجليل، بشرى، بالإضافة إلى مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم، وتأليف زينب عزيز وإخراج علي إدريس.
