بعد نشر القاهرة 24.. وزير الشباب يتواصل مع صاحب الدليفري سيرًا على الأقدام
استجابت وزارة الشباب والرياضة، لصاحب تريند الدليفيري سيرًا على الأقدام، وجاء ذلك بعد نشر القاهرة 24 تفاصيل مطالبه.
وزير الشباب يستجيب لصاحب ترند الدليفيري
وتواصل الدكتور أشرف صبحي، وزير الشباب والرياضة، مع الشاب هاني خالد، صاحب ترند الدليفيري سيرًا على الأقدام، وقال في تصريحات خاصة لـ القاهرة 24: الوزير كلمني.
وفي نفس السياق، أكد هاني خالد داوود، صاحب الـ 25 عامًا الذي تصدر الترند خلال الساعات القليلة الماضية، بسبب ظهوره في فيديو خلال مهام عمله الشاقة وهو في حالة من الرضا، في تصريحات خاصة لـ القاهرة 24: مكنتش متوقع الترند ولا حتى انتشار الفيديو بكل هذا القدر على منصات التواصل الاجتماعي، ويوم ما قابلني الأستاذ أيمن كنت في الشغل عادي بسلم أوردرات شحن، وقابلني صدفة في يوم شغل عادي.
وأضاف الشاب هاني خالد، عامل الدليفري صاحب ترند الدليفيري سيرًا على الأقدام: أنا مبسوط وراضي عن عملي حتى لو بتعب فيه، وأهم حاجة عندي رضا والدي ووالدتي عليا، إحنا 5 إخوات، وأهلي أغلى حاجة في حياتي، لإن إحنا اتربينا على الترابط الأسري، وأهلي تعبوا لحد ما كبروني كتر خيرهم وطلعوني راجل.
وأردف الشاب هاني خالد داوود، عامل الدليفري: بشكر كل الناس اللي قالت كلمة حلوة في حقي على السوشيال ميديا بعد تداول الفيديو، وكلامهم عني بالدنيا كلها، وبقول لأي حد مبيشتغلش وقاعد مستسلم لظروف الحياة، اجتهدوا وسيبوا الباقي على ربنا، وربنا بيجازي وبيكرم اللي بيتعب ويشقى.
