إيمان رياض بعد إصابتها داخل مطعم: فصلوا العامل بدل ما يتحاسب المسؤول.. اتقوا الله!
كشفت الإعلامية إيمان رياض، عن تطورات حالتها الصحية بعد تعرضها لإصابة مؤلمة تمثلت في شرخ في العظمة وارتشاح بالحوض، نتيجة سقوطها خلال تنظيف العاملين لسلالم أحد المطاعم، وهو ما أثار حالة من الجدل والغضب عبر مواقع التواصل.
تطورات الحالة الصحية لـ إيمان رياض
وفي تصريحات خاصة لـ القاهرة 24، قالت إيمان رياض: الحمد لله أنا بخير، إدارة المطعم كلموا زميلتي وكتبوا تعليق على البوست وقدّموا اعتذار، بس أنا مش عايزة غير إنهم هم واللي زيهم يعرفوا أصول الشغل.. بتعتذروا بعد ما الدنيا قامت؟ كنتم فين قبلها بـ 24 ساعة؟.
وتابعت: قالوا لزميلتي إنهم رفدوا العامل، بس زي العادة جم على الضعيف، هو هيجيب من بيته مثلث التحذير، اللي حصل معايا ممكن يحصل لأي حد، وناس كتير قالوا إنهم مروا بنفس التجربة في كافيهات تانية.. اتقوا الله.
بسبب مسح سلالم بمطعم.. الإعلامية إيمان رياض تكشف عن تفاصيل إصابتها بشرخ في العظمة وارتشاح بالحوض
وترجع بداية القصة عندما كشف إيمان رياض عن تفاصيل إصابتها بشرخ في العظمة وارتشاح بالحوض، موضحة أنها أصيبت أثناء مسح العاملين لسلالم داخل مطعم.
وكتبت إيمان رياض عبر صفحتها على موقع التواصل الاجتماعي فيس بوك: هو طبيعي إن مطعم ولا كافيه يمسح الأرض والسلالم بالصابون والمياه، والناس طالعة نازلة على السلم من غير يافطة ولا مثلث التحذير، والغريبة إن مفيش ولا اعتذار ولا أي نوع من الاهتمام!! هي الناس وصلت لكده إزاي وامتى؟
وأضاف إيمان رياض: يا حضرات ده أنا وقعت قدامكم ومن شدة الألم أغمى عليا! وبقيت بصوت لأول مرة في حياتي بالمنظر ده!! فضلت اكتر من ساعة على السلم مش بتحرك من كتر الوجع والرعب يكون جرالي حاجة في العمود الفقري والنخاع الشوكي!! صحابي طلبولي الإسعاف وجت وشالوني قدام الرايح واللي جاي وأنا مش ببطل صويت من شدة الألم !!! في المستشفى بعد الإشاعات والرنين طلع عندي شرخ في العظمة العجزية وارتشاح في الحوض.
