رئيس بعثة سابق بصندوق النقد: تحسن كبير في الاقتصاد المصري.. وتوقف انهيار قيمة الجنيه
قال الدكتور خالد صقر، الخبير الاقتصادي ورئيس بعثة سابق بصندوق النقد الدولي، إن هناك تحسنا كبيرا من الناحية الاقتصادية في مصر، لافتا إلى أن الانهيار في قيمة سعر الجنيه توقف.
رئيس بعثة سابق بصندوق النقد: تحسن كبير في الاقتصاد المصري وتوقف انهيار قيمة الجنيه
أضاف صقر: السنتين اللى فاتوا كانوا صعبين من الناحية الاقتصادية، هذه السنة فيه تحسن كبير وإذا كان المواطن مش حاسس بيه لكن إحنا شايفين بوادره بشكل واضح، التضخم انخفض للنصف والناس لسه مش حاسة بيه لأنها مركزة مع الأسعار.
واستكمل رئيس البعثة السابق بصندوق النقد: الطبيعي الأسعار للأسف مش هتنزل وبتستمر على مستوى عالٍ والأهم متزدش عن كده، مستوى الزيادة قل بشكل كبير والانهيار في قيمة سعر الجنيه توقف.
وواصل: الدين العام قل لـ85% وفى طريقه للنزول لنسبة 65% من الناتج القومي خلال سنوات، والاقتراض من الداخل والخارج أدى لمشكلة الديون، والديون بيتدفع عليها فوائد تصل لـ14% من الدخل القومي.
