هفضل واحد منكم.. ميشيل يانكون يودع جماهير الأحمر برسالة خاصة
وجه ميشيل يانكون مدرب حراس مرمى الأهلي السابق، رسالة خاصة لجماهير الفريق الأحمر بعد انتهاء مهمته مع الفريق.
ورحل ميشيل يانكون عن منصبه في الأهلي، بعد تعاقد النادي مع الإسباني خوسيه رويبيبرو لقيادة الفريق الأحمر، والذي ضم مدرب حراس مرمى جديد ضمن جهازه المعاون.
وقال ميشيل يانكون عبر حسابه الشخصي على موقع التواصل الاجتماعي إنستجرام: 6 سنين كانوا أكتر من مجرد شغل، كانت رحلة حب وانتماء ونجاحات مع نادي عمري ما هنساه.
وتابع في تصريحاته: كل لحظة قضيتها في التتش، وكل مباراة، وكل دمعة فرح بعد بطولة، هتفضل محفورة في قلبي، فخور إني كنت جزء من الفريق اللي قدر يحقق 19 بطولة مع الأهلي.
وواصل يانكون حديثه: اشتغلت مع حراس عظام، إخواتي قبل ما يكونوا لعيبة فخور بكل لحظة قضيناها سوا
لكن أكتر حاجة عمري ما هنسى حبها، جمهور الأهلي، أنتم القلب الحقيقي للنادي، أنتم الروح أنتم اللي بتدوا المعنى لكل لحظة عشتها هنا.
واختتم تصريحاته: وقعت في حب مصر والمصريين من أول لحظة، وهفضل شايل الحب ده في قلبي دايمًا، مصر أم الدنيا، شكرًا من قلبي لكل شخص دعمني وحبني، أنا واحد منكم وهفضل دايمًا واحد منكم.
وعلى جانب آخر، يعود فريق الأهلي لخوض تدريباته الجماعية مساء غد السبت تحت قيادة المدرب الإسباني قبل السفر إلى أمريكا.
