رئيس بعثة سابق بصندوق النقد الدولي: تحسن كبير من الناحية الاقتصادية في مصر وانهيار قيمة سعر الجنيه توقف
قال الدكتور خالد صقر، الخبير الاقتصادي ورئيس بعثة سابق بصندوق النقد الدولي، إن المواطن يأمل حدوث انخفاض في الأسعار، ولكن واقعيا كل بلاد العالم الأسعار لا تنخفض فيه لكن من الممكن أن تتباطئ.
رئيس بعثة سابق بصندوق النقد الدولي: الأسعار لا تنخفض إلا بحدوث كارثة اقتصادية
وأضاف صقر، خلال تصريحات تليفزيونية: مفيش بنك مركزي في العالم بيقول إن الأسعار هتنزل، البلاد المتقدمة بتستهدف زيادة الأسعار 2% وبيفكروا يزودوها لـ3%، والبلاد النامية بتستهدف أرقام أكتر من كده بكتير.
واستكمل: لو الأسعار نزلت عادة يحدث مع كساد وكارثة اقتصادية، في الثلاثينيات من القرن الماضي، حصلت كارثة في مصر وناس فلست وحدثت مشاكل اقتصادية واجتماعية كبيرة.
وتابع: هناك تحسن كبير من الناحية الاقتصادية في مصر، لافتا إلى أن الانهيار في قيمة سعر الجنيه توقف، السنتين اللي فاتوا كانوا صعبين من الناحية الاقتصادية، هذه السنة في تحسن كبير وإذا كان المواطن مش حاسس بيه لكن إحنا شايفين بوادره بشكل واضح، التضخم انخفض للنصف والناس لسه مش حاسة بيه لأنها مركزة مع الأسعار.
واستكمل رئيس البعثة السابق بصندوق النقد: الطبيعي الأسعار للأسف مش هتنزل وبتستمر على مستوى عالٍ والأهم متزدش عن كده، مستوى الزيادة قل بشكل كبير والانهيار في قيمة سعر الجنيه توقف.
