المؤلف محمود حمدان يروي موقفًا مع أحمد آدم ببداية مشواره: سمعني أسوأ كلام.. وصليت ودعيت عليه
روى المؤلف محمود حمدان موقفًا مع الفنان أحمد آدم في بداية مشواره الفني، موضحًا أنه لن يتعاون معه في أي عمل ورفض كتابة فيلم له.
وكتب محمود حمدان عبر حسابه بموقع فيس بوك: سنة 2007 أخدنا الدكتور جلال الشرقاوي علشان نمثل في مسرحية لأحمد آدم، كنا مجموعة من شباب أكاديمية الفنون ولسه في بداية طريقنا، أحمد آدم كان مغرور ومتعالي بشكل غريب.
وأضاف محمود حمدان: كنا قبل العرض بيوم وبنعمل بروفة جنرال، ودخلت أعمل دوري ومن حظي السيء إن اللي كانوا قاعدين في الصاله ضحكوا، أحمد آدم وقف البروفة، وقدام كل الناس سمعني أسوأ كلام يقوله فنان محترف لشاب لسه بيشق طريقه (أنت هتاخد فرصتك بس مش معايا مع حد تاني، تقف مكانك متتكلمش) ولم يكتفي بذلك، قالي مش هتشتغل يلا أمشي.
وواصل: خرجت من المسرح والدموع مكتومة جوايا، وأصحابي بيحاولوا يواسوني (مصطفى أبو سريع وحسني شتا وإبراهيم السمان ومحمد العمروسي)، روحت صليت ودعيت على أحمد آدم وأنا منهار من البكاء، ومن 5 سنين كلمني منتج صديقي علشان أكتب فيلم لآدم وقولتله لو هتديني 100 مليون مش هكتبله.. الآن بدعيله ربنا يفك كربه ويسامحه ويكرمه، وأنا مسامح.
آخر أعمال محمود
وعلى جانب آخر، حقق المؤلف محمود حمدان، نجاحًا كبيرًا في موسم رمضان 2025، بمسلسل فهد البطل، والعمل بطولة أحمد العوضي، ميرنا نور الدين، كارولين عزمي، محمود البزاوي، أحمد عبد العزيز، لوسي، صفاء الطوخي، صفوة، حجاج عبد العظيم، محسن منصور، محمد مهران، أحمد ماجد، عايدة رياض، أحمد عبد الله، رباب ممتاز، مجدي إدريس، وآخرين.
