فقدت خصوصيتي.. زوجة تطلب الطلاق بسبب الهوس بالتصوير: جوزي بيصور الأكل قبل ما ناكله
حوادث
محكمة الاسرة
في واقعة غريبة أمام محكمة الأسرة، تقدمت زوجة بدعوى طلاق، مؤكدة أن زوجها مصاب بهوس التصوير والمحتوى الرقمي، حتى أصبحت حياتهما الزوجية مجرد "فيديوهات وسوشيال ميديا"، على حد وصفها.
حكايات داخل محكمة الأسرة
وقالت الزوجة في دعواها: كل لحظة في حياتي لازم تتوثق بكاميرا، حتى وأنا تعبانة أو مش جاهزة للتصوير، يقولي اصبري، ده محتوى مرة كنت بعيط من الزعل، لقيته بيقولي: لحظة أصور الستوري، حزنك طالع طبيعي أوي.
وأشارت الزوجة إلى أنها فقدت إحساسها بالخصوصية، وأصبحت تشعر وكأنها شخصية عامة غصب عنها، مضيفة: كنت فاكرة الجواز مودة ورحمة، طلع لايكس وكومنتات.
أما الزوج، فبرر موقفه قائلًا: أنا صانع محتوى، وده شغلي، وهي عارفة ده من قبل الجواز، وكل حاجة بنعيشها ممكن تكون ملهمة للناس، إحنا بنوثق تجربتنا.
وقررت المحكمة تأجيل النظر في الدعوى لحين محاولة الصلح.
