راح يقوله بلاش يضايق أمه فقتله.. أقوال والد الشاب ضحية المتهم بالتحرش بوالدته في فيصل
كشفت التحقيقات في واقعة مقتل شاب على يد آخر نتيجة نشوب مشاجرة بينهما؛ وذلك بسبب دفاع المجني عليه عن والدته إثر تعرضها للتحرش اللفظي من قبل الجاني بمنطقة اللبيني في فيصل بمحافظة الجيزة، عن تفاصيل الواقعة.
أقوال والد الشاب ضحية المتهم بالتحرش بوالدته في فيصل
وحصل القاهرة 24 على نص التحقيقات، وجاءت أقوال والد المجني عليه أمام جهات التحقيق بسؤاله ما هي معلوماتك بشأن الواقعة محل التحقيق؟.
ج: كانت نازلة من البيت ورايحة السوق تجيب طلبات وهي ماشية في الشارع قابلها المتهم إسلام وعاكسها وضايقها وتحرش بها لفظيًا، وزوجتي راحت عملت فيه محضر في القسم وجات حكتلي على اللي حصل، وهي بتحكيلي ابني هشام سمع راح نازل يتكلم مع المتهم ويقوله بلاش يضايق أمه ثاني علشان دي ست كبيرة ومينفعش اللي بيحصل ده.
وأضاف والد المجني عليه، وأنا لما ما لقتهوش في البيت نزلت جري على تحت عشان أشوفه وميحصلش مشكلة كبيرة، وأنا نازل لقيت ابني هشام واقف أمام بيت المتهم إسلام وروحتله عشان أخده وأمشي واحنا واقفين لقيت إسلام فتح باب البيت وكان معاه سكينة ومرزبة ونزل وراه المتهمين علي.م.ع وأحمد.ع.ا، ومحمد.ع.ا، وكان معاهم سكاكين ومرزبة.
وواصل: أنا أخدت ابني علشان نمشي لقيت المتهمين علي.م.ع وأحمد.ع.ا، ومحمد.ع.ا، زقوني على الأرض وإسلام جري على ابني وطعنه في فخذه اليمين بالسكينة اللي معاه وابني صوت وأنا شوفت دم كتير بينزف ووقع على الأرض وجريت عليه وشلته أنا وزوجتي وجرينا على مستشفى الهرم ودخل العناية المركزة يوم ومات بعدها.
