زيزو يكشف تفاصيل مكالمة محمود الخطيب له
في أول تصريحات له بعد انضمامه الرسمي للنادي الأهلي، فتح أحمد سيد زيزو قلبه لجماهير القلعة الحمراء، كاشفًا عن تفاصيل المكالمة التي تلقاها من أسطورة الكرة المصرية محمود الخطيب، وسبب تفضيله للأهلي على عروض خيالية من أندية أخرى.
زيزو يكشف كواليس مكالمة محمود الخطيب رئيس النادي الأهلي
وقال زيزو في تصريحات تليفزيونية: كابتن محمود الخطيب كلمني وقالي خليك زي ما أنت وعلى طبيعتك.. وتشرفت جدًا بالمكالمة دي، وشعرت بدعم كبير.
وأضاف زيزو: لو كنت هقبل 400 أو 500 مليون، كنت بطلت كورة. أنا اخترت الأهلي مش علشان الفلوس، لكن علشان البطولات، والاستقرار، والجمهور اللي دايمًا بيصنع الفارق.
وأكد زيزو على ترحيب لاعبي الأهلي به، قائلًا: كل اللاعبين كلموني وباركولي، وأنا عندي علاقات كويسة مع الشناوي، وهاني، وإمام عاشور اللي صاحبي من زمان.
وأكد أحمد سيد زيزو، لاعب الأهلي الجديد، أن رحيله عن الزمالك لم يكن بدافع مادي، بل نتيجة ظروف معقدة استمرت لأشهر، وقال: الناس ما كانتش فاهمة الوضع الحقيقي.. القرار مش سببه الفلوس، بل غياب الوضوح والدعم في وقت كنت محتاجه.
واختتم: متحمس جدًا لتجربتي مع الأهلي، ومستني أول مباراة ألبس فيها القميص الأحمر رسميًا.. هدفي أفرّح الجماهير وأصنع تاريخ جديد.
