محمد الشناوي: هدفنا تجاوز دور المجموعات.. وحققنا نتيجة إيجابية أمام باتشوكا
تحدث محمد الشناوي حارس مرمى النادي الأهلي عقب الخسارة الودية بركلات الترجيح من باتشوكا المكسيكي قبل افتتاح كأس العالم للأندية أمام إنتر ميامي الأمريكي.
وقال الشناوي في تصريحات تليفزيونية: الحمدلله مباراة قوية أمام باتشوكا والرطوبة عالية وبقول للاعبين عملتوا اللي عليكم وعلى قد ما نقدر بننفذ تعليمات ريبيرو والنهاردة عملنا نتيجة إيجابية والمباراة بروفة لمباراة إنتر ميامي والفريق عمل اللي عليه وطلعنا بنتيجة إيجابية النهاردة.
وأضاف: الأجواء نفس أجواء إفريقيا والحمدلله الماتش الجاي هنلعب بالليل واللاعبين النهاردة عملوا اللي عليهم وهدفنا نعدي المجموعات ونوصل لأبعد مكان في البطولة.
وأشار الشناوي في تصريحاته: ريبيرو مش من يوم وليلة هيغير حاجات والمدير الفني قالنا حاجات صغيرة نفذناها النهاردة وهدفنا ندخل الأجواء مع المدرب الجديد بسرعة وفيه حاجات مختلفة كتير زي أننا نبدأ من تحت وأمامنا أسبوع قبل الافتتاح اللي المهم نطلع منها بنتيجة إيجابية عشان نكمل المشوار وسنظهر بشكل أفضل.
وأردف: مفيش حاجة اسمها سيطرة على الفريق واللاعبين كلهم محترفين وأسامي كبيرة، أنا كابتن الفريق واللاعبين كلهم عارفين مسؤوليتهم وعندنا سيستم كلهم عارفينه وأول ما أرتدوا قيمص الأهلي دخلوا في السيستم والأهلي أي بطولة بيبقا عارف عايز منها ايه.
وأتم الشناوي تصريحاته: بقول للجمهور هنبذل كل جهد وهنفرحكم ونوصل لأبعد مكان إن شاء الله.
