سهير المرشدي: أنا من نسل الأشراف.. ونفسي مكسورة لأني مشبعتش من الحج | خاص
كشفت الفنانة سهير المرشدي، أن نسبها يمتد إلى آل بيت النبي، بجانب إعرابها عن اشتياقها الكبير للحج وتكرار مناسكه مرة أخرى.
سهير المرشدي: أنا من نسل الأشراف ونفسي مكسورة لأني مشبعتش من الحج
وقالت سهير المرشدي، في تصريحاتها لـ القاهرة 24: والدتي من الأشراف، وكلنا الحمد لله من الأشراف، وبقول يا رب نكون قد الشرف ده، والجميل إنك تكوني شريفة بجد وتنتسبي لهذا النسب الجميل وربنا يتولانا بـ رحمته في الأيام الصعبة دي، أنا بدعي ربنا رغم أنها كلها أيام بركة ولكن الواحد نفسه مكسورة وكنت أتمنى إني أحج لأني مشبعتش، في ناس بتقول الحمد لله أنهم حجوا مرة أو اتنين ولكني مشبعتش.
وأردفت سهير المرشدي: والدتي كانت كده، كانت كل ما تشوف طقوس الحج تبقى متشوقة وببقى مشفقة عليها لأنه جهاد وتعب وأنا خايفة عليها، وأنا دلوقتي مشفقة على نفسي لأني نفسي أروح وبقول يا رب قدر كل الكبار والمسنين، هناك بتبقي واحدة تانية وبيكون في طاقة هي دي إرادة أو بركة أو يقين بالله.
وواصلت: أنا بحب الكلام المتصوفين ده ولكني مبقولهوش، وأي علم أنتي عارفاه لازم تجهري بيه لأن لازم الناس تعرفه، ولما بسمع الآذن بقول سمعت آذانك العالي اللهم اجعل سيدنا محمد وعلي جيراني، واجعل جنة الخلد مرقدي ومنامي واجعل كلمة التوحيد على لساني، إن عيشت قولتها وإن مُت فأشهد خلقك أجمعين أنك واحد مالوش تاني.
