كانت مبسوطة بالكوافير.. جارة العروس الباكية تكشف كواليس حفل زفافها على شخص من أصحاب متلازمة داون | خاص
تصدر مقطع فيديو لعروسين تريند منصات التواصل الاجتماعي، إذ تداول مستخدمو السوشيال ميديا، فيديو لحفل زفاف عروسين بالشرقية ظهر فيه عريس من أصحاب متلازمة داون، ما أثار حالة من الجدل حول مدى اكتمال هذا الزواج لأركانه.
جارة العروس الباكية تكشف كواليس حفل الزفاف على عريس من متلازمة داون
وقالت إحدى جيران العروسة في تصريحات خاصة لـ القاهرة 24: شوفت العروسة تاني يوم العيد اللي هو يوم فرحها وكانت في الكوافير ومبسوطة أوي وبترقص مع إخواتها هناك، وشوفتهم مبسوطين وفرحانين جدًا والعروسة ظروفها على قد حالها ووالدها غلبان يعني ووالد العريس هو اللي جايب كل حاجة هما ناس غلابة.
وأوضحت: العروسة كانت مبسوطة لحد لما حصل موقف، تمثل في أن والد العريس يوم الفرح مكنش عايز يدفع فلوس الكوافير وبعد ما حصل خناقة دفعهم كان حساب الكوافيرة 5000 جنيه ودفعهم بعد ما حصلت مشكلة والعريس كان قاعد برة في العربية ملوش علاقة بحاجة خالص ومستني العروسة لكن والده هو اللي عمل كل حاجة وهو اللي جهزهم وجابلهم كل اللي في الشقة لأن والدها غلبان وظروفهم على قدهم وبيت أهلها في الصالحية القديمة عندنا في الشرقية.
وقال الدكتور إبراهيم سليم رئيس مجلس إدارة صندوق المأذونين الشرعيين بأن الزواج صحيح ومكتمل الأركان، وفقًا لرأي جمهور الفقهاء والمذاهب الـ 4 موضحًا أن شروط صحة عقد القران هي وجود الزوج والزوجة والولي والشهود والايجاب والقبول، لافتًا إلى أن المأذون ينظر في صحة عقد الزواج وعدم وجود موانع شرعية.
