خروج ملك أحمد زاهر من المستشفى.. ووالدتها: منتظرين التحاليل عشان نعرف عندها إيه
أعلنت هدى زاهر، زوجة الفنان أحمد زاهر، خروج ابنتها ملك من المستشفى، بعد تعرضها لوعكة صحية شديدة خلال الأيام الماضية، موضحة أن العائلة تنتظر النتيجة النهائية للفحوصات لمعرفة ما سبب الأزمة.
وكتبت هدى زاهر، عبر ستوري حسابها بموقع إنستجرام: ملك خرجت والله والحمد والشكر من يومين وفي انتظار تقارير الأطباء عن الحالة بالظبط، هي أحسن وهتكون أحسن ببركة دعائكم ليها ومحبتكم.. إن شاء الله التحاليل الأخيرة تعرفنا إيه السبب اللي عمل فيها كده، وأنا متفائلة بالله جدًا وعارفة أن رب الخير لا يأتي إلا بالخير.
وتابعت هدى زاهر: الحياة بتستمر والشغل والالتزامات بتستمر رغم كل الظروف وده بسبب واحد أننا مؤمنين بالله وسايبنها على الحي الذي لا يمو.. شكرًا لكل الأصدقاء والفنانين والمحبين والداعمين لأسرتنا ولملك تحديدًا وقريبًا جدًا هنطمنكم عليها بشكل نهائي ونفرح مع بعض برجوعها لحضننا بألف سلامة وعافية، الله خير حافظ وفعلًا دي حقيقة ربنا حماها من حاجات كتير وإحنا أحسن من غيرنا الحمد لله والشكر الله وشكرا لكل من تواصل معانا للاطمئنان علي صحتها.
واختتمت هدى زاهر، داعية لـ نجل تامر حسني وبسمة بوسيل، قائلة: ألف حمد الله على سلامتك يا روح قلب أمك وأبوكي وأخواتك، يا أطيب قلب في الدنيا وأظن عرفتي بعد الأزمة الصعبة دي قد إيه، الناس بتحبك حبيبتي، عقبال يارب ما نتطمن على آدم ابن تامر وبسمة ونفرح كلنا وفرحتنا تكبر.. يا رب يشفي كل مريض اللهم أمين.
