بيقولولي إنتي عايشة ومبسوطة.. ملك زاهر: بقالي أيام تعبانة وأمر بمرحلة صعبة أحتاج للدعم والمساندة النفسية والدعاء
طمأنت الفنانة الشابة ملك زاهر، جمهورها عبر حسابها الرسمي على إنستجرام، بعد تعرضها لأزمة صحية مفاجئة، مشيرة إلى أنها نادرا ما تشارك تفاصيل حياتها الشخصية، لكنها اختارت هذه المرة أن تخرج عن القاعدة بسبب ما تمر به من ظروف.
وكتبت ملك زاهر في ستوري إنستجرام: أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار.
ملك زاهر: بقالي أيام تعبانة وحياتي مش وردي وفيها الحلو والوحش
وقالت ملك زاهر: بس حبيت أشارك إن الفترة الأخيرة حسيت كأن الدنيا كلها ماشية غريبة ومقفولة، وكلها ضغط نفسي بشكل كبير، وده خلاني حاسة إني مش قادرة أستحمل زي قبل كده، وبقيت بحاول أهرب من الناس والمواقف.
وأوضحت أنها لا تطلب الشفقة، لكنها تحاول أن تكون صريحة مع جمهورها، مشيرة إلى أن ما تمر به هو مجرد مرحلة صعبة وتحتاج فيها إلى دعم ومساندة نفسية وروحية، وطلبت من متابعيها الدعاء لها، قائلة: أنا محتاجة دعواتكم من القلب.
وتابعت: الهدف من الاستوري دي مش إنكو تحسوا إني ضعيفة، لأن الحمد لله أنا كويسة وإن شاء الله اللي عندي ده بس دور وهيروح، بس حبيت أشارك علشان اللي بيحسوا زيي يعرفوا إنهم مش لوحدهم، وإن في ناس بتحس كده وبتعدي.
