طلب مني ألغي الرحلة ويمشي من غيرها.. سيدة تشكو من تطبيق إندرايف: شدني ومش عاوز ينزلني من العربية
عبرت سيدة عن استيائها من سائق إندرايف في منشور عبر حسابها بمنصة فيسبوك للتواصل الاجتماعي، بسبب سوء تصرفاته حيث رفض استخدام أبليكيشن التوصيل ومحاولته إجبارها على ركوب السيارة.
سيدة تشكو من تطبيق إندرايف
وشاركت السيدة منشورًا عبر حسابها بمنصة فيسبوك كتبت فيه: النهاردة طلبت inDrive من مصر الجديدة للعبور، واتصل بيا الكابتن طلب مني ألغي الرحلة على الأبلكيشن ويوصلني من غيرها قولتله ليه أعمل كده قالي عليا مديونية للشركة قولتله لأ مينفعش أنا مستنياك وكان معايا صحابي بيركبوني وقالولي لأ متعمليش كده والكابتن وصل وقالوله مش هينفع تعمل كده.
وأوضحت: “الرحلة بدأت وبدأ زنه وإلحاح مش طبيعي إني ألغي الرحلة طول الطريق دا كلامه ومكنش فاتح الأبلكيشن وماشي عليه زيه زي باقي الكباتن والمفروض دا الطبيعي، وجينا عند نفق هو مش طريقي نهائي قولتله متدخلهوش دا مش طريقي قالي لا أنا همشي كده ملكيش دعوة”.
وتابعت: بدأ يشدني ويقولي مش هنزلك إقفلي الباب ويشد طبعا بشاور للناس سواق تاكسي وقفلي وقفل عليه وخدني وراه.. البلطجي كان عاوز ياخدني غصب أركب معاه ويزقه والسواق فضل يقوله حلول كتير كأنه بيتحايل عليه أو ياخد أجرته ويسيبني لأ هو مصمم ياخدني وأركب معاه والكابتن بلطجي وضرب السواق واديته فلوسه وبرضو مش عايزني أمشي حسبي الله ونعم الوكيل في inDrive والحمد لله يارب إن ربنا وقفلي سواق التاكس من غيره أنا يا كنت هرمي نفسي والعربية ماشية يا كان هياخدني.
