تأكيدًا لـ القاهرة 24.. رضوى الشربيني تكشف تفاصيل برنامجها هي وبس على شاشة DMC
كشفت الإعلامية رضوى الشربيني، تفاصيل برنامجها هي وبس، المقرر بدء عرضه غدًا عبر شاشة قناة DMC، والتي تعود من خلال لاستكمال تقديم برنامجها الشهير بعد فترة من التوقف عقب إنهاء تعاقدها مع قناة CBC سفرة.
وقالت رضوى الشربيني، في لايف عبر حسابها بموقع فيس بوك: برنامج هي وبس الجديد فيه فزورة أو تقنية ممكن تكون اتعملت قبل كده، ولكن في البرنامج هتتعمل بشكل جديد، وبالنسبة للرجالة اللي كانت متضايقة وبتقول رضوى الشربيني بتهاجمنا ومبتسمعناش ومبتديناش فرصة، حاضر هنديكم فرصة متزعلوش.
وتابعت رضوى الشربيني: ناس كتير أوي اشتغلوا على الأفكار الجديدة للبرنامج ويارب المنتج ده أو اللي أنتوا هتشوفوه يعجبكم لأني مرعوبة، دايمًا البرامج في التلفزيون يا بيبقى المذيعة هي المذيعة يا الموضوع يا المحتوى، ولكن أول مرة يكون البطل هو الجمهور وأنتوا اللي هتحكموا ودي أول مرة تحصل.
وواصلت: أعتقد أن دي من أحلى الأفكار، وممكن تحكموا بيني وبين حد، والجمهور ممكن يحكم ويقول القصة دي عجباه ولا لأ علشان كده حاطة أيدي على قلبي ومرعوبة، علشان كده ادعولي.
تفاصيل برنامج هي وبس
وسبق وعلم القاهرة 24 من مصادر، أنه كان هناك تفاوضًا وخلافًا بين اسمي على أسيادكم سيدة، وهي وبس لـ برنامج رضوى الشربيني على قناة DMC، كما أكدت المصادر أن برنامج رضوى الشربيني، عبر DMC، سيكون له فورمات جديد والتقنية المستخدمة في البرنامج لم يتم استخدمها في مصر من قبل.
