الليلة.. انطلاق عرض برنامج هي وبس لـ رضوى الشربيني على DMC
تستعد الإعلامية رضوى الشربيني، لـ انطلاق عرض الموسم الجديد من برنامجها الشهير هي وبس، وذلك عبر شاشة قناة DMC، بعد فترة من الغياب عقب إنهاء عقدها مع قناة CBC سفرة.
مواعيد عرض برنامج هي وبس DMC
وينطلق عرض الموسم الجديد من برنامج هي وبس، عبر شاشة قناة DMC، بدء من اليوم الثلاثاء في تمام الساعة 11 مساءا، وسيتم عرض البرنامج يومي الثلاثاء والأربعاء من كل أسبوع.
برنامج هي وبس
وكانت كشفت رضوى الشربيني، تفاصيل برنامجها هي وبس، حيث قالت في لايف عبر فيس بوك: برنامج هي وبس الجديد فيه فزورة أو تقنية ممكن تكون اتعملت قبل كده، ولكن في البرنامج هتتعمل بشكل جديد، وبالنسبة للرجالة اللي كانت متضايقة وبتقول رضوى الشربيني بتهاجمنا ومبتسمعناش ومبتديناش فرصة، حاضر هنديكم فرصة متزعلوش.
وتابعت رضوى الشربيني: ناس كتير أوي اشتغلوا على الأفكار الجديدة للبرنامج ويارب المنتج ده أو اللي أنتوا هتشوفوه يعجبكم لأني مرعوبة، دايمًا البرامج في التلفزيون يا بيبقى المذيعة هي المذيعة يا الموضوع يا المحتوى، ولكن أول مرة يكون البطل هو الجمهور وأنتوا اللي هتحكموا ودي أول مرة تحصل، وأعتقد أن دي من أحلى الأفكار، وممكن تحكموا بيني وبين حد، والجمهور ممكن يحكم ويقول القصة دي عجباه ولا لأ علشان كده حاطة أيدي على قلبي ومرعوبة، علشان كده ادعولي.
