لبلبة تكشف لـ القاهرة 24 حقيقة الصورة المتداولة لها مع عادل إمام
انتشرت خلال الساعات الأولى من صباح الخميس، صورة لـ الزعيم عادل إمام، رفقة الفنانة لبلبة، وزعم الجمهور أنها تم التقاطها فجر اليوم، كما تساءل الجمهور عن حقيقة الصورة المتداولة، وهل هي حقيقية أم ذكاء اصطناعي؟.
وقالت لبلبة في تصريح خاص لـ القاهرة 24: أنا في الفيوم بقالي 3 أسابيع علشان الفيلم بتاعي ومشفتش عادل إمام، الصورة مش حقيقية والذكاء الاصطناعي ده بقى حاجة تخوف.
وأضافت: قبل كده عملوا إعلان وحطوا وش سعاد حسني على جسم واحدة، هل معنى كده أن سعاد عادت من الموت وعملت الإعلان؟، الصورة دي كلام فاضي ومش عارفين يكتبوا إيه.
وواصلت لبلبة: أنا قربت أخلص تصوير الفيلم بتاعي في الفيوم ومعايا نيللي كريم والنجوم، عيب والله العظيم أما معنديش تجاعيد كده حوالين عنيا ولا ده وش الأستاذ ده مش عادل خالص، وأنا مش أنا وحاطين عنين مفعصة ومش عارفين يظبطوا الصورة، دي حاجة هبلة والواحد خايف ينزل ويتصور، أكيد مش أنا ولا الأستاذ عادل.
لبلبة تكشف تفاصيل شخصيتها في فيلم بروفة
وعلى جانب آخر، كشفت الفنانة لبلبة، تفاصيل شخصيتها في فيلم بروفة، حيث قالت في تصريح خاص لـ القاهرة 24: بالفعل تعاقدت على المشاركة في فيلم بروفة فرح بطولة نيللي كريم، وأظهر من خلاله بشخصية كوميدية وأجسد شخصية جديدة عليا لم أقدمها من قبل.
