فريدة فهمي "فراشة فرقة رضا" في عيد ميلادها: مليش شبيهة والمسرح معوضش غيابي
تحتفل اليوم الفنانة فريدة فهمي بعيد ميلادها، وسط مجموعة من أسرتها وأصدقائها المقربين، الذين يحرصون على التواجد بجانبها ومشاركتها في هذه المناسبة السعيدة، متمنين لها أن يكون عامًا سعيدًا في حياتها.
وتحدثت فريدة فهمي في تصريحاتها مع القاهرة 24 عن فكرة غيابها عن المسرح،بعد أن كانت تُلقب بـ فراشة المسرح، حيث قالت: أنا مليش شبيهة، وشايفة إن المسرح معوضش غيابي، وأنا خلاص كبرت، لكن سعيدة ومبسوطة بحب الناس ليا.
وسبق تحدثت الفنانة فريدة فهمي عن تفاصيل تأسيس فرقة رضا، وزوجها المخرج الراحل علي رضا، بجانب تعليقها على أغاني المهرجانات الشعبية، حيث قالت خلال ندوتها بمعرض الكتاب الدولي للكتاب في دورته الـ 55: علي رضا كان جواه أفكار عشان يحصل انتعاشة على مر السنين، واشتغل وراح عمل ونقى موشحات جميلة جدًا وبدأ يعرضها في التلفزيون، والمزيكا اللي كنت بسمعها على صوته كان فيها حاجة محصلتش، وكانت الموسيقى بتاعتها القالب، بس كان في كلمات وألحان، رغم إنها ماكنتش خرافية، ومن هنا علي رضا عرض في التلفزيون، وبدأ يعلن الموشحات، والناس برا لا يمكن يغيروا في حاجة شبه تراث، وعندهم أمانة فنية وكرامة وكبرياء، وإحنا عندنا دلوقت الراقصات في حالة هجل وماعندهمش أمانة فنية.
وااستكملت فريدة فهمي حديثها: الكرامة مهمة والفنان لازم يعتز بكرامته ويبقى له قيمة، وأنا عيشت أحلى أيام لإني عملت اللي كان نفسي فيه، إني أرقص، ومكنتش واخدة بالي إن الرقص عيب، وكان بعيد عن مخي إن ممكن الرقص يبقى صعب المنال، وده حظي ومكتوبلي.
