شقيق دحيح الأقصر بعد موجة التنمر عليه: حسّوا بوجعه وادعموه بدعوة حلوة

في رسالة مؤثرة نشرها ماريو أيمن، شقيق الطالب المتفوق باسم أيمن الشهير إعلاميا بلقب “دحيح الأقصر”، عبر صفحته الرسمية على فيسبوك، قائلًا: “بنشكر كل قلب أب وأم حسّوا بوجع أخويا ودعموه بكلمة حلوة أو دعوة صادقة.. وبنطلب من ربنا إن مفيش حد يعدي بنفس اللحظة اللي عدى بيها”.

صاحب تريند دحيح الدفعة عن امتحان الفيزياء: من النماذج الاسترشادية بتاعة الوزارة.. ويتقفل

ماريو أيمن يشكر الشعب المصري لدعمه لشقيقه باسم: حسّوا بوجعه ودعموه بدعوة حلوة

باسم، الذي حاز على تعاطف واسع عبر مواقع التواصل الاجتماعي، تحدث عقب خروجه من امتحان مادة اللغة الأجنبية الأولى للقاهرة 24 قائلًا:“امتحان الإنجليزي كان كويس الحمد لله، والأسئلة جت من النماذج الاسترشادية اللي نزلتها الوزارة، والوقت كان كافي، الحمد لله.”

باسم: امتحان الإنجليزي كان من النماذج الاسترشادية.. والعربي محتاج وقت أطول

إلا أن الأمور لم تكن بنفس السلاسة في امتحان اللغة العربية، حيث أوضح قائلًا:“العربي كان طويل جدًا، ومحتاج أكتر من 3 ساعات، خاصة جزء النحو، كان فيه أفكار صعبة وتحتاج وقت أكتر، مش غلط إن الامتحان يبقى فيه أفكار، بس لازم يكون فيه وقت كافي نجاوب فيه.”

دحيح الأقصر: بكيت بعد العربي.. ونقلت 21 سؤالًا بس في البابل شيت

وكشف “دحيح الأقصر” عن موقف صعب تعرض له بعد امتحان اللغة العربية، إذ لم يتمكن من نقل جميع إجاباته إلى ورقة “البابل شيت” بسبب ضيق الوقت، قائلًا:“الامتحان كان فيه 51 سؤالا، وأنا لحقت أنقل 21 بس.. وفضلت أبكي بعدها من الضغط اللي كنت فيه.”

موجة تنمر جارحة.. اتريقوا عليا وقالوا ده شكله ينفع ثانوية عامة؟!

وفيما كان ينتظر الدعم، فوجئ باسم بتعليقات سلبية وتنمر قاسٍ طال شكله وأسرته، قائلًا بأسى:“فيه ناس اتريقوا عليا، وقالوا ده شكله ينفع في ثانوية عامة؟! وفيه اللي شتمني بوالدتي الله يرحمها، قعدت 4 أيام مش قادر أذاكر، ونفسيتي اتدمرت،”واختتم قائلًا: “أنا مش مسامح أي حد غلط فيا، لا بالتريقة ولا بالشتم.”

قصة باسم أيمن، دحيح الأقصر، باتت نموذجًا للطلاب المكافحين، وسط ضغوط الامتحانات وقسوة التنمر الإلكتروني، ليبقى السؤال مفتوحًا: هل نمنح طلابنا حقهم في الوقت والرحمة؟