مايسترو حفل شيرين عبد الوهاب بمهرجان موازين: قدمت 7 دقائق فقط بطريقة بلاي باك.. وغنت 23 أغنية لايف
علق المايسترو مدحت خميس، على الانتقادات التي تعرضت لها الفنانة شيرين عبد الوهاب الفترة الحالية، بعد غنائها بطريقة البلاي باك بحفلها في مهرجان موازين بالمغرب.
وقال مدحت خميس خلال تصريحات تليفزيونية: شيرين قدمت 7 دقائق بلاي باك فقط وغنت 23 أغنية لايف، وفي النص شغلنا بتمنى أنساك بلاي باك في الاستراحة، الست عملت اللي عليها، وكان فيه بروفات في مصر قبل ما تسافر، وكانت بتشوف إيه الأغاني اللي الجمهور حاببها.
وتابع مدحت خميس: عملنا كذا اجتماع، بس هي مكانتش بتظهر للجمهور، جمهور المغرب غير أي جمهور تاني، وهي قاعدة من شهر 12 ومش متهيأة نفسيًا للحفلات ومرضتش بأي حفلات غير بالمغرب، وحالتها الصحية كانت أحسن في موازين، كويس أنها عرفت تقف قدام الجمهور.
مايسترو حفل شيرين عبد الوهاب بموازين: دي طريقة حفلاتها من زمان
وأوضح مدحت خميس خلال تصريحاته لـ القاهرة 24، أن ما حدث بحفل شيرين عبد الوهاب بموازين، هو أمر طبيعي في جميع حفلاتها السابقة، قائلا: دي طريقة الشو بتاعها من زمان بقالها كتير بتعمله بالعكس، ده متعب أكتر وهي تعبت علشان تعمل لجمهوها فكرة الأغاني دي مع بعض، وأخدت مننا وقت كبير في تحضيرها بالذات للجمهور المغربي المفروض يكونوا فرحانين إنها بتتعب عشانهم وبتفكر فيهم.
