بيومي فؤاد: أنا آسف لأي حد زعلان مني سواء عنده حق أو معندوش
اعتذر الفنان بيومي فؤاد لجمهوره ولكل متابعيه، عن أي شيء بدر منه أو أي سوء تفاهم حدث خلال الفترة الماضية.
وقال بيومي فؤاد خلال لقائه ببرنامج فضفضت أوي، تقديم المخرج معتز التوني: لو أنا مزعل أي حد سواء عنده حق أو معندوش.. أنا آسف حقك عليا.. مش بحب أي حد يكون زعلان مني حتى لو فاهمني غلط أو صح.
وعلق بيومي فؤاد على العديد من الموضوعات العملية والشخصية، خلال الحلقة، حيث تحدث عن بداياته الفنية، وقال: اشتغلت ضيف شرف في فيلم دكان شحاتة، كومبارس متكلم، وخالد يوسف كان بيشرحلي وعمرو سعد نايم في المشهد، لقيته فتح عينيه وقالي إزيك يا بيومي.
وتابع بيومي فؤاد: استغربت إنه عارفني لأن أمي لسة متعرفنيش حتى، قال لـ خالد ده يبقى نجم فنون جميلة وكنت بحضرله عروض الكلية زمان.
أعمال بيومي فؤاد
وعلى جانب أعمال بيومي فؤاد، شارك في موسم رمضان الماضي 2025، من خلال مسلسل قهوة المحطة، الذي ضم كل من الفنان أحمد غزي، فاتن سعيد، انتصار، وآخرين، والعمل من تأليف عبد الرحيم كمال، وإخراج إسلام خيري.
