المراقبة بتزعق لابنها في التليفون.. شكاوى من طلاب الثانوية العامة بإحدى اللجان: مش عارفين نركز
شكا عدد من طلاب الثانوية العامة بمدرسة جمال عبد الناصر في حي الدقي، من سوء تنظيم لجان الامتحانات، وغياب الانضباط من بعض المراقبين، ما أثّر على تركيزهم خلال أداء امتحان الكيمياء.
وقالت إحدى الطالبات: المراقبة كانت بتتكلم في الموبايل طول الوقت وبتزعق لابنها، ومش عارفين نركز ولا نحل، في إشارة إلى تشويش الأجواء داخل اللجنة.
وأضافت طالبة أخرى أن عمليات التفتيش داخل اللجنة كانت مبالغ فيها: جايبين جهاز بايظ بيطلع إن معانا موبايل وإحنا مش معانا، مما تسبب في حالة من التوتر والقلق بين الطالبات قبل بدء الامتحان.
وشكا طالب ثالث من محاولة استعجال الطلاب على إنهاء الإجابات، قائلا: بيستعجلونا وعاوزين نخلص قبل الوقت، مع إن الامتحان محتاج تركيز.
محتاج تفكير والعضوية فيها تريكات بس يتقفل.. ماذا قال طلاب الثانوية العامة عن امتحان الكيمياء؟
فيما شهد امتحان مادة الكيمياء لطلاب الثانوية العامة تباينًا في الآراء، حيث رأى عدد من الطلاب أن الأسئلة كانت مباشرة وجاءت من النماذج الاسترشادية، فيما أشار آخرون إلى وجود بعض الجزئيات التي اتسمت بالصعوبة واحتاجت تركيزًا كبيرًا.
وقال أحد الطلاب: الامتحان كويس، ومعظم الأسئلة من النماذج الاسترشادية اللي ذاكرناها قبل كده بالنص، فيما علّق آخر: المسائل اللي عليها درجتين فيها شوية صعوبة، بس اللي مذاكر هيعرف يحل.
في المقابل، اشتكى طالب من وجود معدلات ومسائل غريبة مش واضحة، وحاجات من برة المنهج، على حد وصفه.
ورغم التفاوت في الآراء، اتفق غالبية الطلاب على أن الامتحان كان أغلبه في مستوى الطالب المتوسط، لكنه احتاج إلى قدر من التفكير والدقة، وقال أحدهم: الامتحان سهل ويتقفل، بس مش بالسهولة المتوقعة.. محتاج دماغ.
- الثانوية
- الثانوية العامة
- امتحانات الثانوية
- إمتحانات الثانويه العامه
- تسريب الامتحانات
- شاومينج
- جروب شاومينج
- الامتحانات بجروب شاومينج
- جروب شاومينج السري
- التعليم
- ـ وزير التعليم
- وزارة التعليم
- محمد عبد اللطيف
- العربي
- امتحان الفيزياء
- امتحان الجغرافيا
- الكيمياء
- امتحان الكيمياء
- الجغرافيا
- تسريبات الكيمياء
- تسريبات الجغرافيا
