ممدوح عباس رئيس الزمالك الأسبق: سأتكفل بـ مباراة اعتزال شيكابالا.. وسيظل في تاريخ كرة القدم المصرية
علق ممدوح عباس رئيس نادي الزمالك السابق، على اعتزال محمود عبد الرزاق شيكابالا مؤكدًا أنه سيتكفل بمهرجان اعتزال اللاعب.
تصريحات ممدوح عباس
وقال ممدوح عباس في تصريحات تليفزيونية: شيكابالا ده ابني وكان متهم بإنه اسمه محمود ممدوح عباس، أنا بحب هذا الرجل وأعشقه وعايش حياته كلها معايا يوم بيوم، وأنا حزين أوي إن شيكابالا بيعتزل كرة القدم، وأنا واحد من الناس قعدت معاه ساعة على التليفون، شيكابالا ده قصة وحدوته ستظل في تاريخ الكرة المصرية.
وأضاف: حبيت 2 في حياتي، الأول طه بصري والتاني شيكابالا حضرته من وهو عنده 11 سنة، الراجل ده قد ايه جوا قلبه زمالك، كنت سعيد به جدًا، فينجادا قال عليه إنه من أفضل 10 لاعبين في العالم، مش عايز أتكلم لإن أعصابي تعبانة أوي، هذا الرجل على خلق كبير، عايز الناس تعرف إن الراجل لم يفعل أي شيء إلا لمصلحة ناديه، هعمله ماتش اعتزال محصلش، وهكون شريكه في أي شيء هيعمله، لإنه لم يعوض، بشكر زوجته وكل أسرته، ربنا هيعوض نادي الزمالك بولاده إن شاء الله.
