مي القاضي: علاقتي بربنا محدش له دعوة بيها.. بطلع صدقة وبصوم والاستغفار بيريحني
كشفت الفنانة مي القاضي، عن موقفها من الانتقادات التي توجه لمجموعة من الفنانين، واتهامهم بالابتعاد عن الله، وتقصيرهم الدائم في أداء الفرائض والعبادات، حيث أشارت إلى أنها تتعجب من هذا الأمر، مؤكدة أن علاقتها بـ الله هو أمر لا يخص الجمهور.
وتحدثت مي القاضي عن هذا الأمر، في ندوتها بالقاهرة 24، إذ قالت: علاقة الإنسان بربنا محدش له دعوة بيها، مش المفروض أمشي أقول للناس علاقتي بربنا كويسة، أنا بطلع صدقة، معرفش ليه الناس بيتخضوا من ده، والتسبيح والاستغفار دايما بيريحني، أنا قعدت سنين عمري ما بسيب فرض في الصلاة، بس بقيت بقطع مؤخرًا للأسف، وبصوم عمري ما بفطر أبدًا، وبفتكر ربنا وعمري ما بنساه، وفي الآخر أيقنت إن الدنيا بتخلص في ثانية.
وفي سياق آخر، كشفت الفنانة مي القاضي حقيقة الخلاف بينها وبين الفنانة هدى الإتربي، خلال كواليس مسلسل العتاولة 2، الذي عُرض في السباق الرمضاني الماضي 2025، بسبب الألقاب التي أطلقها الجمهور عليهم بعد أغنيتي قنبلة الجيل وأنتي الوحش، خلال أحداث العمل، إذ قالت في تصريحاتها مع القاهرة 24: أنا مش مهتمة بالألقاب، وده بالنسبة ليا دور عملته مش هفضل ماسكة فيه طول حياتي، وأنا وهدى متقابلناش في التصوير، وكل الكلام اللي بيتقال ده بالنسبة ليا ولا حاجة.
