بعد نجاحه مع عمرو دياب وأصالة.. تفاصيل تعاون الشاعر مصطفى حدوتة مع لطيفة في ألبومها الجديد
يستعد الشاعر الغنائي مصطفى حدوتة، للتعاون مع الفنانة التونسية لطيفة، لأول مرة في ألبومها الجديد والمقرر طرحه خلال الأيام القليلة المقبلة، معربًا عن سعادته الكبيرة بتعاونه معها، وذلك عقب النجاح الكبير الذي حققه مؤخرًا بتعاونه مع الهضبة عمرو دياب والفنانة السورية أصالة نصري في ألبوماتهم الجديدة.
وقال مصطفى حدوتة، في لقائه مع القاهرة 24: ألبوم الفنانة التونسية لطيفة، الجديد هينزل خلال الأيام القليلة اللي جاية، أنا عامل ليها 3 أغاني في الألبوم، وسعيد بتعاوني معاها وإن شاء الله نحقق نجاح كبير.
لى اتهامه بسرقة كلمات أغنية قالو إيه للفنان محمد رمضان، موضحًا أنه يختار كلمات أغانيه بعناية شديدة والجزء المقصود مثل شعبي ولا يندرج تحت حقوق الملكية الفكرية.
مصطفى حدوتة يعلق على اتهامه بسرقة كلمات أغنية قالوا إيه لـ محمد رمضان
وسبق وعلق مصطفى حدوتة، على اتهامه بسرقة كلمات أغنية قالوا إيه لـ محمد رمضان، قائلًا: عمري ما أخدت كوبليه من حد، كل شغلي بختار فيه كل كلمة بعناية وتركيز جدًا، كوبليه يعني 8 شطرات على الأقل، ممكن يكون اللي حصل توارد أفكار، ممكن نقول مثل شعبي يتحط في 60 أغنية، وعندنا في العشوائيات في كلمة بتتقال أنا أي أرض نزلتها كسبت محبة أهلها، دي بتتقال بقالها 12 سنة، فأنا لما آجي أحط كلمة زي دي في أغنية وحد يجي يقولي أنا قولتها في أغنية من كام سنة، لأ في حاجة اسمها حقوق الملكية الفكرية، الجزئية دي لا تحتمل حقوق الملكية الفكرية، دي كلمة دارجة وكل الناس تقدر تقول ده في أغنية.
وواصل مصطفى حدوتة: لما دخلت أشوف الأغنية اللي الشاعر بيقول عليها لقيتها جايبة 6000 مشاهدة، يعني أنت حسبت جوا دماغك إن مصطفى حدوتة من ضمن الـ6 آلاف اللي سمعوا الأغنية من بين الـ 110 ملايين شخص في مصر؟، عايزين يشهروا الأغنية على حسي.
