اتهمت زوجها بالإهمال.. امرأة تطلب الطلاق: بيعتبر وجودي تحصيل حاصل
أقامت زوجة دعوى طلاق أمام محكمة الأسرة، بعد ثلاث سنوات من الزواج، متهمة زوجها بالإهمال الشديد واللامبالاة، مؤكدة أنه لا يراعي مشاعرها ولا يبذل أي مجهود للحفاظ على العلاقة بينهما.
حكايات من محكمة الاسرة
وقالت الزوجة في دعواها: من أول الجواز كنت بستحمل عشان أدي العلاقة فرصة، بس مع الوقت اكتشفت إن هو مش بيحاول من الأساس.. لا بيسأل، لا بيتكلم، لا بيهتم، ولو اختفيت يومين مش هيفرق معاه.
وأضافت: طول اليوم في الشغل أو مع أصحابه، ولما يرجع البيت يقعد بالموبايل، ولو كلمته يقولي: مالك ؟ كله تمام.
وأكدت أنها حاولت التفاهم، واقترحت يخرجوا أو يتكلموا أو يغيروا من روتين الحياة، لكنه كان يرد دايمًا بجملة: هو إحنا ناقصين دراما؟ الجواز كده عادي.
وقالت إنها بدأت تفقد إحساسها بنفسها وبدورها كزوجة، وشعرت بأنها "مجرد اسم على ورقة"، فقررت اللجوء للمحكمة بدل ما أستمر في علاقة لا فيها ود ولا مشاركة.
أما الزوج، فاعترف في الجلسة أنه مش من النوع اللي بيعرف يعبر، لكنه لم ينكر الإهمال، مضيفًا: أنا مريحها في كل حاجة، فمش شايف إني مقصر.
المحكمة قررت تأجيل القضية لمحاولة الإصلاح، مع إحالتها لجلسة صلح.
