المخرج خالد الحلفاوي عن تكرار أعماله الكوميدية: مش راضي وحاسس إني اتزنقت.. ومسلسل كامل العدد مش كوميدي
تحدث المخرج خالد الحلفاوي، عن تكرار أعماله الكوميدية، موضحًا أنه لا يجب تصنيف المخرج في نوعية معينة من الأعمال، كما أنه لا يصنف مسلسل كامل العدد بطولة دينا الشربيني وشريف سلامة، عملًا كوميديًا.
وقال خالد الحلفاوي، في بودكاست مع رغدة: إحنا عندنا سيستم في مصر غريب في المنتجين، أن اللي نفع في حاجة خليه هنا مش هنجربه في حاجة تانية، في مخرج بتاع أكشن ومخرج بتاع كوميدي ومخرج بتاع دراما، وأنا كسول ومش من النوع اللي أكتب وأدور، لأ اللي بيجيلي بختار منه وبالصدفة أول حاجة جاتلي كانت كوميدي فيلم زنقة ستات، ولكن المخرج مش المفروض يُصنف ويقدر يعمل أي حاجة، أنا مش راضي وحاسس أني اتزنقت ووقت كتير راح في حاجة مش عايز أقول مكررة لأن كل عمل مختلف عن التاني، ولكن في كبت حد يخرجني من الحفرة دي يا جماعة.
خالد الحلفاوي: مبصنفش كامل العدد كوميدي
وأوضح خالد الحلفاوي، أنه لا يصنف مسلسل كامل العدد كوميدي، قائلًا: وبالفعل بدأت أخرج من الكوميدي بالراحة وأنا مبصنفش مسلسل كامل العدد أنه كوميدي، ومفيش فيه ولا مشهد غرضه الإضحاك، وأكتر حاجة تعبتني في مسلسل كامل العدد الزحمة، يعني 26 واحد في الصالة في المشهد إيه ده؟، ده فيلم رعب، وكان بيحصل طبيعي مشاكل لأن كان في أطفال كتير من أعمال مختلفة.
