آدم الشرقاوي: بلوم أهلي إني عيشت معظم حياتي في أمريكا.. ومصر اديتني كتير وحسيت إني مقبول
أعرب الفنان الشاب آدم الشرقاوي، عن امتنانة الكبير لردود فعل الجمهور الإيجابية بعد كشفه تفاصيل مروره بأزمات صحية، على مدار العامين الماضيين.
وكتب آدم الشرقاوي، عبر حسابه بموقع انستجرام: شكرًا لكل الناس اللي تواصلوا معايا والردود الرهيبة، شكرًا للصحافة، للناس، ولكل اللي أونلاين، شكرًا، هابقى أبطل أكون حساس وغريب بعد البوست ده.
وتابع آدم الشرقاوي: وأنا مختفي جاتلي رسايل كتير بتقول إني مش بشتغل في مصر عشان بفضّل أشتغل في أمريكا.. مصر اديتني كتير أوي، بابا كان دايمًا يقولي: إن مصر مفيش زيها مكان، وهو وماما كانوا دايمًا يشجعوني إني أهتم بالثقافة، بس كنت صغير وغبي.
وواصل: اشتغلت في مصر مع أحسن ممثلين ومخرجين، والناس رحبوا بيا بجد، رغم إني عشت معظم حياتي في أمريكا (ألوم أهلي)، بعد *لعبة نيوتن* حسيت إني مرغوب فيه ومقبول، كأني ما سبتش مصر أبدا.. الناس المصريين سمحولي أشتغل على مشاريع كتير وبنيت نفسي رغم إن لغتي العربية مش أحسن حاجة، ورغم إني مش فاهم الثقافة كويس، ورغم إني كنت حاسس إني مش دايمًا أستاهل، إنتوا دايمًا دعمتوني وقبلتوني. شكرًا يا مصر.
آدم الشرقاوي
ومن ناحية أخرى، سبق وكشف آدم الشرقاوي، تفاصيل تعرضه لعدد من الأزمات الصحية بسبب الوزن الزائد، حيث كتب عبر حسابه بموقع انستجرام: كان ليا فترة طويلة ما نزّلت بوستات، بس كنت محتاج أخد بريك، من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى.
