والدة آية عادل ضحية العنف الزوجي في الأردن: محامي المتهم بيعرض علينا فلوس عشان نتنازل
كشفت ميرفت والدة آية عادل، ضحية العنف الزوجي في الأردن، إن محامي زوجها عرض عليها أموالًا مقابل التنازل عن القضية
تفاصيل جديدة في قضية آية عادل
وقالت والدة آية عادل، عبر صفحتها الشخصية على فيسبوك: بيعرض علينا فلوس عشان دمك ياروح الروح.. والله ليتمنى الموت ولا يجده.. فاكر هو والمحامي الظالم إن الفلوس عوض، لأنه مجرم ميعرفش لا إنسانية ولا مشاعر ولا رحمة، لما يقتلك وأمه تقول بلاش الثأر عشان الولاد عارفين إن ابنها مجرم وقاتل، والمحامي يقول عاوزين فلوس كام، دم آية طاهر وشهيدتي الغالية مفيش حاجة تشفي قلبي إلا حقها من القاتل في الدنيا وفي الآخرة، اللهم آيسة من رحمتك هو وكل من دعمه ووقف له، اللهم آيسه من الراحة، حسبي الله ونعم الوكيل في القاتل.
وأضافت: اللهم انتقم من المجرم وكل من دعمه، هو فاكر إن بنتي ودمها ممكن يتعوضوا، فاكر إن الفلوس اللي بيعرضها علينا عشان نتنازل عن دم الشهيدة الطاهرة، القاتل المجرم متصور إننا ممكن نتنازل عن حق الملاك البريء آية، وأولادها هاخدهم بقوة القانون واللي آية كانت بتتمناه هعمله لها.
وتابعت: أسألكم الدعاء لبنتي بالفردوس، والدعاء على القاتل وكل من طمس الأدلة، أو زور في اللي حصل عشان يفلت من الحساب، ربنا شاهد ومطلع ومنتقم.
