كان سوء تفاهم ورجعوا بالسلامة.. أول تعليق من والد الـ3 فتيات بعد عودتهن للمنزل
كايرو لايت
والد الفتيات الـ3
تداول مستخدمو مواقع التواصل الاجتماعي منشورًا لأب يطلب من بناته الثلاث العودة إلى المنزل الذي تركنه يوم الثلاثاء الماضي، دون خلاف يدفعهن لذلك، ما أثار حالة تعاطف واسعة عبر منصات السوشيال ميديا، وشارك والدهم مساء أمس الجمعة منشورًا عبر حسابه يفيد بعودتهن للمنزل.
أول تعليق من والد الفتيات الـ 3 بعد عودتهن للمنزل
وقال والد الفتيات في تصريحات خاصة لـ القاهرة 24: الحمد لله والشكر لله بناتي رجعولي مرة تانية كان حاصل سوء تفاهم بيننا مش أكتر وهما رجعوا من نفسهم تاني، ولكل من أساء لي ولبناتي مش مسامحكم وعند الله تجتمع الخصوم.
وأضاف: بفضل ربنا بناتي الآن في حضني وجنبي ومفهمش خربوش واحد ومحدش آذاهم أو عملهم حاجة بالعكس كانوا آمنين ومطمئنين، وشكرًا لكل الناس اللي ساعدتني ووقفت جنبي الفترة دي وأنا دلوقتي الحمد لله نفسيتي مرتاحة بس مش حابب الناس تنزل صورهم تاني على السوشيال ميديا.
