أبو: الأغاني مش حرام وبنصح الفنانين اللي بيطالبوا بحذفها قبل ما يموتوا يشوفوا حاجة تانية يعملوها
علق المطرب أبو، على الجدل المثار خلال الفترة الماضية بسبب حرمانية الغناء، بعدما وصى المطرب الشاب الراحل أحمد عامر، بحذف أغانيه عقب وفاته، حيث أوضح أبو أنه لا يوجد أي حرمانية في الغناء من وجهة نظره.
وقال أبو في لقائه مع القاهرة 24: أنا لو بعمل حاجة وعارف إن هي حرام مش هعملها، 100% بدون أدنى شك مش شايف أي حرمانية في الأغاني، دلوقتي المحتوى بقى قصف وقتل والوحيد اللي بيخلينا نسمى بـ نفسنا هو الفن سواء أغاني أفلام، المحتوى مهم بيعرف يطلع نفس البني آدم شوية.
وتابع أبو: فقولًا واحدًا مفيش حرمانية في الأغاني بالنسبة ليا، بلاقي فنانين كتير أوي بيقولوا على الأغاني حرام وعايزين يشيلوها قبل ما يموتوا، نصيحتي ليهم يشوفوا حاجة تانية يعملوها، لأنهم لو بيعيشوا بيعملوا حاجة كل يوم وعارفين أن هي حرام فحرام عليهم.
آخر أغاني المطرب أبو
وعلى جانب آخر، سبق وطرح الفنان أبو أولى أغنيات ألبومه الجديد "توبة"، والتي تحمل عنوان "أحلى حاجة"، عبر قناته الرسمية على موقع يوتيوب وجميع المنصات في مصر الوطن العربي، والأغنية من كلمات وألحان طارق نديم، وتوزيع موسيقي رامي سمير.
