وسام أبو علي يعتذر لـ النادي الأهلي وجماهيره: كنت أمر بظروف أسرية
اعتذر وسام أبو علي، لاعب الأهلي، لإدارة الأحمر ومحمود الخطيب والجماهير، عما بدر منه، على هامش إلحاحه على الرحيل من القلعة الحمراء من أجل الاحتراف.
اعتذار وسام أبو علي
وقال وسام أبو علي خلال تصريحات نشرها النادي الأهلي: كان فيه كلام كتير عني طيلة الفترة الماضية على التليفزيون والسوشسال ميديا حبيت أوضح الأمور من جانبي، أنا اعتذر لجماهير الأهلي وإدارة النادي برئاسة محمود الخطيب واللاعبين على التصرفات التي ارتكبتها.
وأكمل: مش عايز غير الحب يكون بيني وبين جماهير الأهلي كنت أمر بظروف أسرية، الحاجات اللي حصلت مني كنت بمر بظروف أسرية.
وأوضح: أنا اتصرفت بطريقة مش موافقة عليها، عشان ماينفعش أي لاعب في النادي الأهلي يعمل كدا، ده نادي كبير ونادي عظيم، نادي كله حب وجماهيره حب.
وواصل: علاقتي مع النادي جميلة جدا من اول يوم، النادي هو اللي علمني وهو اللي طلعني فوق، هو والجماهير اللي منحني الفرحة أنه يجيلي عروض احتراف وأندية أخرى وخلاني نجم في الفريق، الأهلي منحني افضل سنة ونص في حياتي.
وأكد: كل لما أمشي في الشارع وأقابل الجمهور دي أحلى لحظات حياتي طبعًا، الأساس ده خلاني أشتري بيت هنا في مصر، وأمي وأبويا وأخواتي ياجو هنا مصر وبيحسه نفسهم في بلدهم الثانية، عشان كدا انا عايز اعتذر لـ الجمهور ولـ إدارة النادي الأهلي والكابتن محمود الخطيب، وكمان للاعيبة لو أنا عملت حاجات مش كويسة، لأن كلاعيب في النادي الأهلي مينفشع أعمل كدا.
وزاد: مشكور على الفترة اللي قضيتها في الأهلي دي احلى فترة في حياتي، بداية من ماتش العين وأول دوري أكسبه ولقب هداف الدوري اللي حصلت.
وأكمل: حسيت بفترات صعبة حين ابتعدت عن تسجيل الأهداف، ووقتها دعمتني جماهير الأهلي في ضهري وسندني وده خلاني اروح كأس العالم للأندية بعدما منحني جماهير الأهلي الثقة.
واستطرد: الجماهير كانت معي منذ أول يوم ومع الشعب الفلسطيني أيضا والأهلي هو اللي خلاني نجم نجوم منتخب فلسطين وهذا شرف لي أن أمثل هذا المنتخب وشعب فلسطين في فترة صعبة، انا فخور اني موجود ف الأهلي وأنه يرفع اسمه بهذا الشكل.
وأضاف: أتمنى ان الجماهير تسامحني على اللي علمته بقول تاني اني كنت بمر بظروف أسرية صعبة ومضغوط والموضوع كبر من ايديا وماكنتش عارف اتصرف ازاي، وأي كلام أو بيانات والناس اللي عايزة تطلع تتكلم ضد النادي الأهلي أنا مش مع الناس دول.
وواصل: سواء صفقة انتقالي تمت أو لم تتم، هذا توفيق من عند ربنا، انا بحترم إدارة النادي واكيد هم هيحطوا اعتبار ما أمر به مع أسرتي بقالي فترة بتكلم مع إدارة بشأنها.
واختتم وسام: سواء الصفقة تمت أو لم تتم انا مبسوط اني جيت الأهلي، ماكنتش هروح كأس العالم للأندية لو ماكنتش بلعب في الأهلي، وهذا ما أقدره بشكل كبير، والأهلي وهو من منحي كل شيء، انا بعشق هذا النادي، وهو فوق دماغي وهو أكبر نادي لعبت فيه في حياتي وشرف كبير اني ألعب ضمن صفوفه.
