وسام أبو علي: أرفض أي هجوم على الأهلي وجماهيره.. وقضيت الفترة الأفضل من حياتي في مصر
وجه وسام أبو علي مهاجم النادي الأهلي رسالة إلى إدارة وجماهير القلعة الحمراء، وذلك قبل رحيله المنتظر إلى فريق كولومبوس كرو الأمريكي.
تصريحات وسام أبو علي
وفي تصريحات عبر مقطع فيديو نشره الحساب الرسمي للنادي الأهلي على فيسبوك قال وسام أبو علي إن ما يقوله في هذا الفيديو هو الكلام الحقيقي الصادر عنه، وأضاف: أي حد طلع يتكلم عن وسام أبو علي ده مش صح عشان كده أنا بتكلم دلوقتي ولازم كلامي يتسمع.
وواصل: أنا لاعب في الأهلي وفخور وفرحان إني قضيت أفضل فترة في حياتي.. أي حد هيتكلم ضد الأهلي مش صح أنا مش مع الكلام ده.
وأكمل المهاجم الفلسطيني: أي حد اتكلم عن جماهير الأهلي بطريقة مش صح أو بشكل سلبي عن الأهلي أنا مش معاه ومش موافق على الكلام ده عشان الأهلي وجماهيره هم اللي عملوني بنسبة 90٪.
واستكمل وسام أبو علي حديثه قائلَا: الأهلي وجماهيره منحوني الألقاب، والأهلي هو من قدمني للعالم وسمح لي أظهر إمكانياتي وألعب بطريقة جيدة وأحرز أهداف.
واستطرد مهاجم الأهلي قائلا: مصر بلد جميلة والأمن فيها كويس جدًا وده خلاني أشتري بيت هنا وأهلي لما ييجو مصر بيكونوا مبسوطين جدًا وبقالي صحاب كتير هنا في مصر وعلاقات مش هنساها ده إحساس منأاحلى ما تحسه إنك تبقى عايز تقعد في البلد.. البلد هنا منحتني أفضل سنة ونص في حياتي.
