أحمد سعد عن روبي: إنسانة طيبة وخام.. ومش بتفكر إزاي تغري الجمهور
أشاد الفنان أحمد سعد بالفنانة روبي، بعد تعاونهما مؤخرًا في أغنية جديدة بعنوان تاني، مؤكدًا أن لديها جوانب إنسانية لا يعرفها الكثيرون.
وقال أحمد سعد في تصريحات تلفزيونية: روبي خطيرة، والناس لازم تعرف عنها حاجات تانية غير اللي بيشوفوها على العجلة أو في الحركات اللي بتعملها.. هي إنسانة طيبة وخام، وعايشة في سلام نفسي، مش بتفكر إزاي تغري الجمهور، وأنا بحبها على المستوى الشخصي، وبحب أشتغل معاها.
أعمال أحمد سعد وروبي
يشار إلى أن تعاون أحمد سعد مؤخرًا مع الفنانة روبي في أغنية جديدة بعنوان "تاني"، والتي تُعد ثاني عمل يجمعهما بعد النجاح الكبير الذي حققاه في أغنية يا ليالي.
أغنية تاني
أغنية تاني من كلمات فِلبينو، توزيع أحمد طارق يحيى، ميكس هاني محروس، وإخراج أحمد عبد الواحد، وتُعد رابع أغنيات ألبوم أحمد سعد الجديد بيستهبل، الذي تتولى إنتاجه وتوزيعه شركة Viral Wave.
كلمات أغنية تاني
وجاءت كلمات أغنية تاني كما يلي: يا نهار أبيض هو تاني، ما كنا خلصنا ليه جاية تاني؟، طبعا هاتقولي جيالي صدفة، هو أنتي فاكر إني ياباني، يا نهار ابيض تاني، جاي يرقص قلبي تاني، خلصت منه أنا في الحقيقة، قام راح طالعلي في الأغاني، يا نهار ابيض هو تاني، جاي يرقص قلبي تاني، خلثت منه أنا في الحقيقة، قام راح طالعلي في الأغاني، تاني أنت تاني، طالعلي دايما هنا وهناك.
