زوجة تطلب الطلاق: جوزي بيحسبلي الأكل.. وكل حاجة بقيت بـ الميزان
حوادث
محكمة الأسرة
تقدمت زوجة في أواخر العشرينات بدعوى طلاق أمام محكمة الأسرة، بسبب ما وصفته بـ "البخل المفرط" من زوجها، قائلة إن حياتها تحولت لحسابات وأوزان وكأنها تعيش في سوبر ماركت.
وقالت الزوجة في دعواها: جوزي بيحسبلي كل حاجة، كم بيضة استخدمتها في الأكل، كمية السكر في الشاي، وبيوزن اللحمة قبل الطبخ وبعده، وفيه مرة طلبت منه فلوس أجيب خضار، قالي جبنا الأسبوع اللي فات، المفروض لسه فيه.
وأضافت: مش طالبة يعيشني في رفاهية، بس على الأقل أحس إني مراته مش موظفة عنده بتصرف بميزانية.
ورد الزوج قائلًا: أن مش بخيل لكن منظم، وبحاول أدير المصروف كويس عشان المستقبل.
وقررت المحكمة تأجيل القضية لمحاولة الصلح.
